'എല്ലാവിധ ആശംസകളും നേരുന്നു'; ദിയയുടെ മാത്രം ചിത്രം പങ്കുവച്ച് മുൻ കാമുകൻ വൈഷ്ണവ്

ദിയ കൃഷ്ണയ്ക്ക് വിവാഹ ആശംസകളുമായി മുൻ കാമുകൻ വൈഷ്ണവ് ഹരിചന്ദ്രൻ. 'നിനക്ക് എല്ലാവിധ ആശംസകളും നേരുന്നു.'എന്നാണ് വൈഷ്ണവ് കുറിച്ചത്. ഇൻസറ്റ​ഗ്രാം സ്റ്റോറിയിലൂടെയാണ് വൈഷ്ണവ് ആശംസ അറിയിച്ചത്.

ദിയ കൃഷ്ണയുടെ മാത്രം ചിത്രം പങ്കുവച്ചുകൊണ്ടായിരുന്നു വൈഷ്ണവ് ആശംസ നേർന്നത്. വിവാഹ വേഷത്തിലെ ചിത്രത്തിനൊപ്പം ഇമോജികളും ചേർത്തിട്ടുണ്ട്.

സെപ്റ്റംബർ 5-നായിരുന്നു ദിയയുടെ വിവാഹം നടന്നത്. ദീർഘകാല സുഹൃത്തായിരുന്ന അശ്വിൻ ​ഗണേഷായിരുന്നു ദിയയുടെ വരൻ. അടുത്ത ബന്ധുക്കളും സു​ഹൃത്തുക്കളും മാത്രമായിരുന്നു വിവാഹത്തിന് പങ്കെടുത്തത്.

അശ്വിൻ ​ഗണേഷുമായി രണ്ടു വർഷം നീണ്ടു നിന്ന പ്രണയത്തിന് ശേഷ‌മാണ് ദിയ വിവാഹത്തിലേക്ക് കടന്നത്. സമൂഹമാദ്ധ്യമങ്ങളിൽ സജീവമായ ദിയ തന്റെ ജീവിതത്തിലെ എല്ലാ കാര്യങ്ങളും സമൂഹമാദ്ധ്യമങ്ങളിലൂടെ പങ്കുവയ്ക്കാറുണ്ട്.

ഇതിന് മുമ്പ്, താരം വൈഷ്ണവ് ഹരിചന്ദ്രനുമായി ഏറെ നാളത്തെ പ്രണയത്തിലായിരുന്നു. ഇരുവരും പ്രണയത്തിലാണെന്ന് വെളിപ്പെടുത്തിയിരുന്നു. ഒന്നിച്ച് യാത്ര ചെയ്യുന്നതിന്റെയും നൃത്തം ചെയ്യുന്നതിന്റെയും നിരവധി വീഡിയോകൾ ഇരുവരും സോഷ്യൽ മീഡിയയിൽ പങ്കുവച്ചിട്ടുമുണ്ട്. എന്നാൽ, പിന്നീട് ഇരുവരും ബ്രേക്കപ്പ് ആയി.

ദിയയുടെയും വൈഷ്ണവിന്റെയും സുഹൃദ് ബന്ധത്തിലെ അം​ഗമായിരുന്നു അശ്വിൻ. ഡേറ്റിം​ഗിനും വിവാഹത്തിനും ഇപ്പോൾ താല്പര്യമില്ലെന്ന് അടുത്തിടെ ഒരു വീഡിയോയിൽ വൈഷ്ണവ് പറഞ്ഞിരുന്നു.