എട്ട് പദാർത്ഥങ്ങൾ ചേർന്ന ഈ സ്മൂത്തിയാണോ കത്രീന കൈഫിനെ ഇന്നും 18-കാരിയാക്കുന്നത്; ആ രഹസ്യം അറിയാം

ഏറെ ആരാധകരുള്ള ബോളിവുഡ് താരമാണ് കത്രീന കൈഫ്. ഇന്നും ബോളിവുഡിൽ താര സുന്ദരിയെന്ന് വിശേഷിപ്പിക്കുന്ന കത്രീന കൈഫിന് പ്രായം നാൽപതിനോട് അടുത്തെങ്കിലും പതിനെട്ട് കാരിയുടെ സൗന്ദര്യമാണ് ഇന്നും താരത്തിനു.

ഇരുപതു വർഷം മുൻപ് അഭിനയത്തിൽ എത്തുമ്പോൾ എങ്ങനെയാണോ ഉണ്ടായത് അത് പോലെ തന്നെയാണ് ഇന്നും താരത്തിനെ കാണാൻ സാധിക്കുന്നത്. ഇതിന്റെ രഹസ്യം എന്താണെന്നാണ് ആരാധകർ ചോദിക്കുന്നത്.

ശരീരഭാരം വർധിക്കാതെ, എന്നാൽ പോഷകങ്ങൾ ഏറെയുള്ള ഭക്ഷണമാണ് കത്രീനയുടെ ഡയറ്റിലുള്ളത്. പ്രഭാത ഭക്ഷണമായി കത്രീന കഴിക്കുന്നത് 8 പദാർത്ഥങ്ങൾ ചേർന്ന സ്മൂത്തിയാണ്.

ഇതാണ് താരത്തിന്റെ സൗന്ദര്യ രഹസ്യമെന്നും പൊതുവിൽ അഭിപ്രായം ഉണ്ട്. ഇപ്പോഴിതാ താരം കഴിക്കാറുള്ള സ്മൂത്തിയിൽ എന്തൊക്കെയാണ് അടങ്ങിയിട്ടുള്ളത് എന്ന് നോക്കാം.

താരത്തിന്റെ മിക്ക ഭക്ഷണത്തിലും തേങ്ങ അല്ലെങ്കിൽ നാളികേരം ഉൾപ്പെടുത്താൻ ഏറെ ഇഷ്ടപ്പെടാറുണ്ട്. അതുകൊണ്ടു തന്നെ കത്രീന പരിചയപ്പെടുത്തിയ സ്മൂത്തിയിൽ വെളിച്ചെണ്ണയും ചേരുന്നുണ്ട്. വെളിച്ചെണ്ണയും അവക്കാഡോയുമാണ് താരത്തിന്റെ പ്രഭാത ഭക്ഷണത്തിലെ പ്രധാനകൂട്ടുകൾ. ശരീരഭാരം നിയന്ത്രിക്കാൻ ഇത് ഉപകാരപ്രദമാണ്.

സ്മൂത്തി തയാറാക്കാനായി ആവശ്യമുള്ള പദാർത്ഥങ്ങൾ ഇവയാണ് . അവകാഡോ - ഒരെണ്ണം, പഴം - ഒരെണ്ണം, മൂന്നോ നാലോ ചീരയില, ഒരു ടീസ്പൂൺ ചിയ വിത്തുകൾ, ഒരു ടീസ്പൂൺ ചെറുനാരങ്ങയുടെ നീര്, നാലോ അഞ്ചോ ഐസ് ക്യൂബുകൾ, ഒരു ടീസ്പൂൺ കൊക്കോ പൊടി ഇത്രയുമാണ്.