Honey Rose: വെച്ച് കെട്ടാണോ? കിടിലൻ മറുപടിയുമായി ഹണി റോസ്

തനിക്കെതിരെ വന്ന സൈബർ അതിക്രമങ്ങൾക്കെതിരെ സധൈര്യം പോരാടിയ നടിയാണ് ഹണി റോസ്. പൊതു ഇടങ്ങളിലെത്തുന്ന താരത്തിന്റെ വസ്ത്രധാരണത്തെയും നടിയുടെ രൂപഭം​ഗിയേയും കുറിച്ച് പലതരത്തിലുള്ള വിമർശനങ്ങളാണ് എത്താറുള്ളത്. ഇപ്പോഴിതാ തനിക്കെതിരെ വരുന്ന ബോഡി ഷെയ്മിങ്ങിനിടെ തുറന്നടിച്ചിരിക്കുകയാണ് ഹണി റോസ്.

പലപ്പോഴും താരത്തിനെതിരെ ഉപയോ​ഗിക്കുന്ന ഒരു പദപ്രയോ​ഗമാണ് നടിയുടെ സൗന്ദര്യം വെറും വെച്ചുകെട്ടാണെന്ന്. അവതാരിക ഇതേക്കുറിച്ച് ചോദിച്ചപ്പോൾ താരത്തിന്റെ മറുപടി ഇങ്ങനെയാണ്. വെച്ചുകെട്ടിയതാണെങ്കിൽ തന്നെ എന്താണെന്നാണ് ഹണിയുടെ ചോദ്യം. എന്റെ ശരീരത്തിലല്ലേ ചെയ്യുന്നത്.

വേറാരുടേയും ശരീരത്തിലല്ലല്ലോ? ഇതൊന്നും നമ്മൾ ആരേയും ബോധ്യപ്പെടുത്തേണ്ട കാര്യങ്ങളല്ല. ഒന്ന് ഇരുന്ന് ചിന്തിച്ചാൽ മനസ്സിലാക്കാവുന്നതേയുള്ളു ഇതൊക്കെ. ഒരു കൂട്ടം ഫ്രസ്റ്റുവേട്ടഡ് ആയ ആളുകളുടെ വൃത്തികേടുകളാണ് ഇതൊക്കെയെന്നും ഹണി പ്രതികരിച്ചു. ഇതിനൊക്കെയെതിരെ ശക്തമായ നിയമങ്ങളുണ്ടെന്നും.

നിയമം ഇതെല്ലാം കൈകാര്യം ചെയ്യുമെന്നും ഹണി റോസ് പറഞ്ഞു. Q18ൽ ആയിരുന്നു ഹണി റോസിന്റെ പ്രതികരണം. അതേസമയം കുംഭമേള വൈറൽ താരത്തെ ബോബി ചെമ്മണ്ണൂർ‌ ഉദ്​ഘാടനത്തിന് കൊണ്ടുവന്നതിനെക്കുറിച്ചും ഹണി റോസ് പ്രതികരിച്ചു. താൻ അതിനെ ആ രീതിയിലൊന്നും കാണാൻ ആ​ഗ്രഹിക്കുന്നില്ലെന്നാണ് ഹണി റോസ് പറഞ്ഞത്.

അദ്ദേഹം ഒരു വ്യക്തിയാണ്. അദ്ദേഹത്തിന്റെ ജീവിതത്തിൽ ഇഷ്ടമുള്ളത് ചെയ്യാം. അവർ ആരെ ഉദ്ഘാനത്തിന് കൊണ്ടുവന്നാലും അതെനിക്കെതിരെയാണെന്ന് ചിന്തിക്കേണ്ടതില്ലെന്നും ഹണി പ്രതികരിച്ചു. ഇനി അങ്ങനെയാണ് നിങ്ങൾ അതിനെ കണക്ട് ചെയ്യാൻ ആ​ഗ്രഹിക്കുന്നതെങ്കിൽ ആ പെൺകുട്ടിക്ക് ഞാൻ കാരണ അങ്ങനെയൊരു ​ഗുണമുണ്ടയെങ്കിൽ നല്ലതല്ലേയെന്നും ഹണി റോസ് ചോദിച്ചു.