Jawan | ജവാൻ ലാഭത്തിൽ നിന്നും കൂടുതൽ തുക ഷാരൂഖിനോ, നയൻതാരയ്ക്കോ, ദീപികയ്‌ക്കോ, ആറ്റ്ലിക്കോ അല്ല; കോടികൾ സ്വന്തമാക്കുന്നയാൾ...

ഓരോ നിമിഷവും റെക്കോർഡുകൾ ഒന്നിന് പിറകെ ഒന്നായി തകർക്കപ്പെട്ട് മുന്നേറുന്ന ചിത്രമാണ് ഷാരൂഖ് ഖാൻ, നയൻ‌താര, വിജയ് സേതുപതി, ദീപിക പദുകോൺ ചിത്രം 'ജവാൻ' (Jawan). ആക്ഷൻ, ത്രിൽ തുടങ്ങി എല്ലാ മേഖലയിലും ചിത്രം ഒന്നിനൊന്നു മികച്ചതാണ്. ഉത്തരേന്ത്യയിൽ മാത്രം ഒതുങ്ങുന്ന ഹിന്ദിപ്പടം എന്ന ഇമേജ് മാത്രമല്ല ജവാനുള്ളത്, പാൻ ഇന്ത്യൻ തലത്തിലും , വിദേശ രാജ്യങ്ങളിലും ചിത്രം നല്ല പ്രതികരണം നേടിക്കഴിഞ്ഞു

അതിവേഗം 1000 കോടിയിലേക്ക് കുതിക്കുന്ന ഇന്ത്യൻ സിനിമ എന്ന പ്രത്യേകതയും ഈ ഷാരൂഖ് ഖാൻ ചിത്രത്തിനുണ്ട്. ആദ്യ ദിവസം തന്നെ സകല റെക്കോർഡുകളും തകർത്ത് ചിത്രം 75 കോടി രൂപ നേടിയിരുന്നു. സിനിമ ഉണ്ടാക്കുന്ന ലാഭത്തിന്റെ കൂടുതൽ വിഹിതം നേടുന്നതാരായിരിക്കും എന്നറിയുമോ (തുടർന്ന് വായിക്കുക)

സംവിധായകൻ എന്ന നിലയിൽ ആറ്റ്ലീയുടെ അഞ്ചാമത് ചിത്രമാണിത്. ബോളിവുഡിൽ ആദ്യത്തേതും. ഓരോ ദിവസവും ചിത്രം ഒരു പുതിയ റെക്കോർഡ് എന്ന നിലയിൽ മുന്നോട്ടുപോകുന്നു

ആദ്യ വാരത്തിൽ ചിത്രം 388.08 കോടി രൂപ വാരിക്കൂട്ടി. ഇത്രയും നേടിയെടുക്കാൻ ഷാരൂഖ്, നയൻ‌താര, വിജയ് സേതുപതി, ആറ്റ്ലി എന്നിവർ നടത്തിയ പരിശ്രമം വിസ്മരിച്ചുകൂടാ. എന്നാൽ ലാഭത്തിലേറെയും ഇവരിൽ ആർക്കും തന്നെ ലഭിക്കില്ല

ലാഭത്തിന്റെ ഏറിയ ഭാഗവും ലഭിക്കുക ഷാരൂഖിന്റെ ഭാര്യ ഗൗരി ഖാനാകും. ചിത്രത്തിന്റെ നിർമാതാവാണ് ഗൗരി. അക്കാരണം കൊണ്ട് തന്നെ ലാഭവിഹിതത്തിലും ഗൗരിക്ക് തെറ്റില്ലാത്ത ഒരു തുക എത്തിച്ചേരും

300 കോടി രൂപ ബജറ്റിലാണ് ജവാൻ നിർമ്മിച്ചത്. കേവലം നാല് ദിവസം കൊണ്ട് ചിലവായ തുക വീണ്ടെടുക്കാൻ കഴിഞ്ഞു

ഷാരൂഖ് ഖാൻ, നയൻതാര, വിജയ് സേതുപതി എന്നിവരെക്കൂടാതെ ദീപിക പദുക്കോൺ, പ്രിയാമണി, സന്യ മൽഹോത്ര, റിദ്ധി ദോഗ്ര, സഞ്ചിത ബാനർജി, സഞ്ജയ് ദത്ത് എന്നിവരുൾപ്പെടെ ഒട്ടേറെ അഭിനേതാക്കൾ ജവാനിലുണ്ട്