പാകിസ്ഥാൻ താലിബാൻ സർക്കാരുമായി 'തുറന്ന യുദ്ധം'; കാബൂളിലും കാണ്ടഹാറിലും ബോംബാക്രമണം

അതിർത്തിയിലെ പുതിയ ഏറ്റുമുട്ടലുകൾക്ക് പിന്നാലെ കാബൂൾ, കാണ്ടഹാർ, പക്തിയ തുടങ്ങിയ അഫ്ഗാൻ നഗരങ്ങളിൽ പാകിസ്ഥാൻ വ്യോമാക്രമണം നടത്തി. "ഞങ്ങളുടെ ക്ഷമ പരിധി ലംഘിച്ചിരിക്കുന്നു. ഇനി നമുക്കിടയിൽ ഇത് തുറന്ന യുദ്ധമാണ്," എന്ന് ആസിഫ് എക്‌സിൽ കുറിച്ചു.

അഫ്ഗാൻ സൈന്യം പാകിസ്ഥാൻ അതിർത്തി രക്ഷാസേനയെ ആക്രമിച്ചതിനെത്തുടർന്നാണ് സൈനിക നടപടിയെന്നും ഇത് ഉചിതമായ മറുപടി ആണെന്നും പാകിസ്ഥാൻ ആഭ്യന്തര മന്ത്രി മൊഹ്സിൻ നഖ്‌വി പറഞ്ഞു. വ്യാഴാഴ്ച രാത്രി അഫ്ഗാൻ സേന നടത്തിയ അതിർത്തി കടന്നുള്ള ആക്രമണത്തിന് മറുപടിയായാണ് പാകിസ്ഥാൻ നടപടിയെന്ന് അസോസിയേറ്റഡ് പ്രസ് റിപ്പോർട്ട് ചെയ്യുന്നു. ഇരുരാജ്യങ്ങളും തമ്മിലുള്ള തർക്ക അതിർത്തിയായ 'ഡ്യൂറൻഡ് ലൈനിലെ' പാകിസ്ഥാൻ സൈനിക താവളങ്ങളെയാണ് ലക്ഷ്യം വെച്ചതെന്ന് അഫ്ഗാൻ അധികൃതർ അവകാശപ്പെട്ടു. എന്നാൽ അഫ്ഗാൻ ആക്രമണം പ്രകോപനമില്ലാതെയായിരുന്നുവെന്ന് പാകിസ്ഥാൻ തിരിച്ചടിച്ചു.

അഫ്ഗാൻ മണ്ണിൽ പ്രവർത്തിക്കുന്ന തീവ്രവാദ ഗ്രൂപ്പുകൾക്കെതിരെ നടപടിയെടുക്കാൻ താലിബാൻ തയാറാകുന്നില്ലെന്ന് പാകിസ്ഥാൻ ആരോപിക്കുന്നു. എന്നാൽ താലിബാൻ ഭരണകൂടം ഈ ആരോപണങ്ങൾ നിഷേധിക്കുകയാണ്. മാസങ്ങളായി തുടരുന്ന ഈ തർക്കമാണ് ഇപ്പോൾ ഒരു പൂർണ യുദ്ധത്തിലേക്ക് നീങ്ങുന്നത്.

Summary: Relations between Islamabad and Kabul have hit a historic low as Pakistan officially declared an "open war" against the Taliban government. The declaration follows a series of lethal airstrikes and intense cross-border skirmishes along the disputed frontier. Pakistan’s Defence Minister Khawaja Asif announced the shift in stance via social media, stating that Pakistan’s "patience has reached its limit" following months of regional instability.