Ishaani Krishna | രാജകുമാരിയോ, ദേവതയോ...; മനം കവരുന്ന ചിത്രങ്ങളുമായി ഇഷാനി കൃഷ്ണ

സമൂഹമാദ്ധ്യമങ്ങളിൽ സജീവമായ കുടുംബമാണ് നടനും രാഷ്ട്രീയ പ്രവർത്തകനുമായ കൃഷ്മ കുമാറിന്റേത്. സിന്ധുകൃഷ്ണയുടെയും നാലു മക്കളുടെയും യൂട്യൂബ് ചാനലിലെ വീഡിയോകൾ എപ്പോഴും ട്രെൻഡിം​ഗിലാണ്.

യൂട്യൂബിൽ മാത്രമല്ല, ഇൻസ്റ്റ​ഗ്രാമിൽ താരങ്ങൾ പങ്കുവയ്ക്കുന്ന ചിത്രങ്ങൾക്കും ആരാധകർ ഏറെയാണ്. (തുടർന്ന് വായിക്കുക)

കൃഷ്ണ കുമാറിന്റെ മൂന്നാമത്തെ മകൾ ഇഷാനി കൃഷ്ണ പങ്കുവച്ച ചിത്രങ്ങളാണ് ഇപ്പോൾ, സമൂഹമാദ്ധ്യമങ്ങളിൽ വൈറലാകുന്നത്.

സാരിയിൽ അണിഞ്ഞൊരുങ്ങി രവിവർമ ചിത്രത്തിലെ ശകുന്തളയെ പോലെയാണ് ഇഷാനിയെ ചിത്രത്തിൽ കാണാൻ കഴിയുന്നത്.

കഴുത്തിൽ പലതരത്തിൽ ​ഗോൾഡൻ കളറിലെ മാലകളും നെറ്റിചുട്ടിയും വളയുമാണ് ഇതിനോടൊപ്പം ഇഷാനി പെയർ ചെയ്തിരിക്കുന്നത്. അതീവ സുന്ദരിയായിട്ടുള്ള താരത്തിന്റെ ചിത്രത്തിന് നിരവധി കമന്റുകളും നിറയുന്നുണ്ട്.

ഒരു എഐ ജനറേറ്റഡ് ദേവതയെ പോലെയുണ്ടെന്നാണ് കൂടുതൽ പേരും കമന്റ് ചെയ്തിരിക്കുന്നത്.

'ഭ്രമയുഗം യക്ഷി അല്ലെ ഇത്, രാജകുമാരിയോ, ദേവതയോ..., അപ്സരസ്, മലയാളം സിനിമകളിലെ യക്ഷി' എന്നിങ്ങനെ നിരവധി കമന്റുകളാണ് ചിത്രത്തിന് താഴെ വരുന്നത്.

വൺ എന്ന ചിത്രത്തിലൂടെ അഭിന രം​ഗത്തേക്ക് ചുവടുവെച്ച ഇഷാനിയുടെ വർക്കൗട്ട് ചിത്രങ്ങളും വീ‍ഡിയോകളും സമൂഹമാദ്ധ്യമങ്ങളിൽ വൈറലാണ്.