സിംപിൾ പിറന്നാൾ ആഘോഷമെന്ന് ഇഷാനി കൃഷ്ണ; സാധാരണകാർക്ക് അം​ഗീകരിക്കാൻ പറ്റില്ലെന്ന് നെറ്റിസൺ

സോഷ്യൽമീഡിയയിലെ സജീവ സാന്നിധ്യമാണ് കൃഷ്ണ കുമാറിന്റെ കുടുംബം. മറ്റുള്ള സഹോദരിമാരെ അപേക്ഷിച്ച്, യൂട്യൂബിൽ ഇടയ്ക്ക് മാത്രമാണ് ഇഷാനി കൃഷ്ണ വീഡിയോ പങ്കുവയ്ക്കുന്നത്. 24-ാം പിറന്നാൾ ആഘോഷിക്കുന്ന വീഡിയോ പങ്കിട്ടിരിക്കുകയാണ് ഇഷാനി. ചെറിയൊരു പിറന്നാൾ ആഘോഷമാണെന്നാണ് ഇഷാനി വീഡിയോയിൽ പറയുന്നത്. എന്നാൽ, ഇതിന് നെറ്റിസൺ പറയുന്ന അഭിപ്രായം മറ്റൊന്നാണ്.

പിറന്നാൾ ദിനത്തിൽ വലിയ ആഘോഷങ്ങളില്ലെന്നാണ് ഇഷാനി വീഡിയോയിൽ പറയുന്നത്. വീട്ടുകാർക്കും സുഹൃത്തുക്കൾക്കുമൊപ്പം ചെറിയൊരു ഡിന്നർ പാർട്ടി മാത്രമാണുള്ളതെന്നും ഇഷാനി വ്ലോ​ഗിൽ പറയുന്നു. വീട്ടിലൊരു കേക്ക് മുറിക്കും ഒരു ഡിന്നർ പാർട്ടിയുമുണ്ടെന്നാണ് ഇഷാനി പറഞ്ഞത്. (തുടർന്ന് വായിക്കുക.)

വളരെ സിംപിൾ ആയിട്ടുള്ളൊരു പിറന്നാൾ ആഘോഷമാണ്. ക്ലോസ് ഫ്രണ്ട്‌സിനെ വിളിക്കും. ഈ വർഷം ഒരുപാട് ആഘോഷങ്ങൾ ഉണ്ടായിരുന്നതിനാലാണ് പാർട്ടി വേണ്ടെന്ന് ഞാൻ തീരുമാനിച്ചത്. അടുത്ത വർഷം പിറന്നാൾ അടിച്ചു പൊളിക്കാം. വീട്ടിൽ സ്പെഷ്യലായിട്ട് ഒന്നും തയ്യാറാക്കിയിട്ടില്ലെന്നും ഇഷാനി വീഡിയോയിൽ പറയുന്നുണ്ട്.

ഞാനായിട്ടാണ് പിറന്നാൾ ആഘോഷമൊന്നും വേണ്ടെന്ന് പറഞ്ഞത്. ബ്രെെഡൽ ഷവർ, ലിയാന്റെ പിറന്നാൾ, ഹൻസുവിന്റെ പിറന്നാൾ, ഓസിയുടെ വിവാഹം, ബാലി ട്രിപ്പ് തുടങ്ങി ഈ വർഷം ഒരുപാട് പരിപാടികൾ ഉണ്ടായിരുന്നു. അതിനാലാണ് വേണ്ടെന്ന് തീരുമാനിച്ചത്. ചെയ്താലും അതിന്റെ ആവർത്തനമായിരിക്കുമെന്നും ഇഷാനിയുടെ വാക്കുകൾ.

പുതിയതായി തുടങ്ങിയ ഒരു റൂഫ് ടോപ് റെസ്റ്റോ ബാറിലാണ് ഇഷാനിയും വീട്ടുകാരും സുഹൃത്തുക്കളും ഡിന്നറിനായി പോയത്. വളരെ നന്നായി അലങ്കരിച്ച സ്ഥലത്തുവച്ച് കേക്കും മുറിച്ച്, എല്ലാവരും ചേർന്ന് ഡിന്നറും കഴിച്ചിരുന്നു.

എന്നാൽ, ഇത് സിംപിൾ പിറന്നാൾ ആഘോഷമാണെന്ന് അം​ഗീകരിക്കാൻ കഴിയില്ലെന്നാണ് നെറ്റിസൺ പറയുന്നത്. 'ഇഷാനി, ഇതൊരു ചെറിയ പിറന്നാൾ ആഘോഷമാണെന്ന് തോന്നുന്നില്ല. കാരണം സാധാരണക്കാരായ ഭൂരിഭാ​ഗം പേർക്കും ഇങ്ങനെ പിറന്നാൾ ആഘോഷിക്കുന്നത് ഒരു സ്വപ്നമാണ്.' എന്നായിരുന്നു ഒരാളുടെ കമന്റ്.

നിരവധി പേർ ഇഷാനിക്ക് പിറന്നാൾ ആശംസയും നേർന്നിരുന്നു. 'അതിസമ്പന്നർക്ക്, നിങ്ങളുടെ കാഴ്ചപ്പാടിൽ ഇത് ലളിതമായ ജന്മദിനമായിരിക്കാം, പക്ഷേ സാധാരണക്കാർക്ക് ഇത് വലിയ ആഘോഷമാണ്.... വളരെ ലളിതമായി പ്രവർത്തിക്കാൻ ശ്രമിക്കരുത്, ഇത് നിങ്ങളുടെ ജീവിതശൈലിക്ക് ഒട്ടും ചേരില്ല.'-എന്നായിരുന്നു മറ്റൊരാൾ കമന്റ് ചെയ്തത്.