വാടാനപ്പിള്ളിയിൽ പ്രതിഷേധക്കാരെ കൂകിവിളിച്ച് ബിജെപി പ്രവർ‌ത്തകർ ; പ്ലാസ്റ്റിക് കവറുകളുമായെത്തി പ്രതിഷേധം

ഇതാണ് പ്രതാപൻ പറഞ്ഞ കിറ്റെന്നും എടുത്തോളൂവെന്നും പറഞ്ഞ് പ്ലാസ്റ്റിക കവറുകൾ വീശിയാണ് പ്രവർത്തകർ പ്രതിഷേധിക്കുന്നത്. എൽഡിഎഫിനെയും കോൺ​ഗ്രസിനെയും പരിഹസിച്ചുകൊണ്ട് മുദ്രാവാക്യം വിളിച്ചാണ് ബിജെപി പ്രവർത്തകരുടെ പ്രതിഷേധം.

ഭക്ഷ്യകിറ്റ് വിതരണം ചെയ്തുവെന്ന് ആരോപിച്ച് പ്രതിഷേധിച്ച യുഡിഎഫ് സ്ഥാനാർത്ഥി ടി എൻ പ്രതാപനെ അറസ്റ്റ് ചെയ്ത് നീക്കി. സിസിടിവി ദൃശ്യങ്ങൾ പൊലീസി പരിശോധിച്ചതിനെ തുടർന്നാണ് നടപടി. കിറ്റ് വിതരണം ചെയ്തതിന്റെ ഒരു സൂചനയും ദൃശ്യങ്ങളില്ലായിരുന്നു. ബിജെപി നേതാക്കൾക്കെതിരെ കേസെടുക്കില്ലെന്ന് പൊലീസ് അറിയിച്ചു. തുടർന്ന് യുഡിഎഫ്- എൽഡിഎഫ് പ്രവർത്തകർ സ്ഥലത്ത് നിന്നും പിരിഞ്ഞുപോയി. ​ഗോഡൗൺ ഉടമയെയും കസ്റ്റഡിയിലെടുത്തിട്ടുണ്ട്. 2000 ത്തോളം കിറ്റ് കണ്ടെടുത്തു.

വോട്ടർമാർക്ക് നൽകാൻ വേണ്ടി 4000 കിറ്റുകൾ തയാറാക്കിയെന്നും ബിജെപി നേതാവ് ദേവൻ കിറ്റ് വിതരണം ചെയ്യാൻ എത്തിയതാണെന്നും കോൺ​ഗ്രസ് പ്രവർത്തകർ ആരോപിച്ചിരുന്നു. ഇതിന് പിന്നാലെയാണ് സിപിഎമ്മും രം​ഗത്തെത്തിയത്.