Jyothika | ഇതാര് ബോസ് ലേഡിയോ? ബോൾഡ് ലുക്കിൽ ജ്യോതിക

ഓരോ സിനിമാ പ്രേമികളുടെയും ഇഷ്ടതാരമാണ് ജ്യോതിക. ഹേറ്റേഴ്സ് ഇല്ലാത്ത താരം എന്ന് അറിയപ്പെടുന്ന ലേഡി സൂപ്പർ സ്റ്റാർ കൂടിയാണ്. 

ഇപ്പോൾ താരം പങ്കുവെച്ച ചിത്രങ്ങളാണ് സമൂഹമാധ്യമങ്ങളിൽ വൈറലാകുന്നത്. പോൾകാ ഡോട്ട് പ്രിന്റിലുള്ള ജമ്പ്സ്യൂട്ടിൽ ബോൾഡ് ലുക്കിലാണ് താരം എത്തിയത്.

മിതമായ മേക്കപ്പും ഓപ്പൺ ഹെയറുമാണ് താരം ഡ്രസ്സിനൊപ്പം തിരഞ്ഞെടുത്തത്. 'സൂര്യാസ് അഴകി', ബോസ് ലേഡി, റിയൽ സൂപ്പർ സ്റ്റാർ, പ്രായം റിവേഴ്സ് മോഡിൽ, എന്നിങ്ങനെ തുടങ്ങുന്നു കമന്റുകൾ.

കോളിവുഡിലെ ഏറ്റവും ജനപ്രിയ താര ദമ്പതികള്‍ കൂടിയാണ് സൂര്യയും ജ്യോതികയും. ഏറെ നാളത്തെ പ്രണയത്തിനു ശേഷമായിരുന്നു ഇരുവരുടെയും പ്രണയ വിവാഹം.

2006ലാണ് ഏറെ നാളത്തെ പ്രണയത്തിനു ശേഷം ഇരുവരും വിവാഹിതരാകുന്നത്. ദമ്പതികൾക്ക് ഒരു മകളും ഒരു മകനുമുണ്ട്. കുട്ടികളുടെ വിദ്യാഭ്യാസത്തിനായി സൂര്യയും ജ്യോതികയും ഒരു വർഷം മുമ്പ് മുംബൈയിലേക്ക് വീട് മാറിയിരുന്നു.

'ഷൈത്താൻ' എന്ന ചിത്രമാണ് ജ്യോതികയുടെ തിയേറ്ററിൽ എത്തിയത്. ചിത്രം മികച്ച പ്രതികരണങ്ങളോടെ തിയേറ്ററുകളിൽ പ്രദർശനം തുടരുകയാണ്. 'കങ്കുവ'യാണ് സൂര്യയുടെ റിലീസിനൊരുങ്ങുന്ന ചിത്രം.