'സോഷ്യൽ മീഡിയ ഉപയോഗത്തിൽ മുഴുകാത്ത ഉയരമുള്ള, സുന്ദരിയായ, വധുവിനെ ആവശ്യമുണ്ട്'; വൈവാഹിക പരസ്യം ചർച്ചയാകുന്നു

സുന്ദരി, സുശീല, ഉച്ചത്തിൽ സംസാരിക്കാത്തവൾ, സ്ഥിര ജോലിയും വരുമാനവും വേണം, പോരെങ്കിൽ ഒരേ മതവും ജാതിയും ആവണം. വരനെയും വധുവിനെയും ആവശ്യപ്പെടുന്ന പത്ര പേജ് എടുത്തു നോക്കിയാൽ കുറഞ്ഞ പക്ഷം ഇക്കാര്യങ്ങൾ ആവർത്തിക്കാത്ത ഒരു പരസ്യമെങ്കിലും കാണുക വിരളം. ഇതിനെക്കാളും ഡിമാൻഡ് വച്ച ഒരു ഭാവിവരന്റെ പരസ്യം സോഷ്യൽ മീഡിയയിൽ ചർച്ചയാവുന്നു

വധുവിനെയാണ് ആവശ്യം. ചെക്കൻ വക്കീലാണ്. വരന്റെ പ്രായം 37 വയസ്സ്. പെണ്ണ് കാണാൻ സുന്ദരിയായിരിക്കണം, മെലിഞ്ഞിരിക്കണം, സർവോപരി സോഷ്യൽ മീഡിയ ഉപയോഗത്തിൽ മുഴുകാൻ പാടില്ല താനും

യോഗ ചെയ്യുന്ന സുന്ദരൻ എന്ന് പ്രത്യേകം പറഞ്ഞിട്ടുമുണ്ട്. ഹൈക്കോടതിയിലെ വക്കീൽ പണി കൂടാതെ ഗവേഷകൻ കൂടിയാണ് ഇദ്ദേഹം. വീട്ടിൽ അച്ഛനമ്മമാരുമുണ്ട്. ബംഗാളി വക്കീലാണ് ഇക്കാര്യങ്ങൾ ആവശ്യപ്പെട്ട് പരസ്യം നൽകിയിരിക്കുന്നത്

ഐ.എ.എസ്. ഓഫീസർ നിതിൻ സംഗ്വാൻ ആണ് ഈ പരസ്യം ട്വിറ്ററിൽ പോസ്റ്റ് ചെയ്തത്. തൊട്ടുപിന്നാലെ രസകരമായ മീമുകളും മറുപടി ട്വീറ്റുകളും എത്തുകയും ചെയ്തു. ഭാവി വധൂവരന്മാരുടെ ശ്രദ്ധയ്ക്ക് എന്ന് പറഞ്ഞാണ് ട്വീറ്റ്

ഈ കാണുന്നതാണ് ഇന്റർനെറ്റിൽ ചർച്ചയാവുന്ന വിവാഹ പരസ്യം