Mammootty | ആ ഒരു കാര്യത്തിൽ ദുബായ് ഷെയ്‌ഖുമാരെക്കാൾ പരിജ്ഞാനം മമ്മുക്കക്ക് : അനൂപ് മേനോൻ

ഐ.ജി. ഉണ്ണിത്താൻ എന്ന ബുദ്ധിമാനായ കുറ്റവാളിയെ കുരുക്കുന്ന സേതുരാമയ്യർ. പ്രേക്ഷകർ മമ്മൂട്ടിയെയും (Mammootty) അനൂപ് മേനോനെയും (Anoop Menon) ബിഗ് സ്‌ക്രീനിൽ ഒന്നിച്ചു കണ്ട ചിത്രമാണ് 'സി.ബി.ഐ. 5: ദി ബ്രെയിൻ'. അതിനു മുൻപ് 'സൈലൻസ്' എന്ന ചിത്രത്തിൽ അഡ്വക്കേറ്റും ഡി.ഐ.ജിയുമായി ഇരുവരും വേഷമിട്ടു. മമ്മൂട്ടിയുമായി നല്ല സൗഹൃദമാണ് അനൂപ് മേനോന്

ഇക്കഴിഞ്ഞ ദിവസം മമ്മൂട്ടിയുടെ 72-ാം ജന്മദിനമായിരുന്നു. താരങ്ങൾ പലരും അദ്ദേഹത്തിന് ജന്മദിനാശംസകൾ നേരുകയുണ്ടായി. അക്കൂട്ടരിൽ അനൂപ് മേനോൻ കുറിച്ച വാക്കുകളിൽ ഇതുവരെ പ്രേക്ഷകരോ ആരാധകരോ പരിചയിച്ചിട്ടില്ലാത്ത ഒരു കാര്യമുണ്ട്. മമ്മൂട്ടിയെ കുറിച്ച് അധികമാരും അറിയാത്ത ഒരു കഴിവിനെക്കുറിച്ച് അനൂപ് മേനോൻ പറയുന്നു (തുടർന്ന് വായിക്കുക)

പോയ വർഷം ദുബായ് സന്ദർശിച്ച വേളയിലാണ് അനൂപ് ഇങ്ങനെയൊരു കാര്യം മനസ്സിലാക്കിയതും. ബുർജ്മാൻ സെന്ററിൽ 1990കളുടെ തുടക്കകാലത്താണ് മമ്മൂട്ടിയെ കുറിച്ചുള്ള ഒരോർമ്മ അവിടുത്തെ ഒരു സ്റ്റോറിലെ സ്റ്റാഫുകൾ പങ്കിട്ടത്

മുതിർന്ന സ്റ്റാഫുകളുടെ ഓർമയാണത്. ഒരു തെന്നിന്ത്യൻ സൂപ്പർസ്റ്റാർ കടയിലെത്തി ഐ.ഡബ്ള്യു.സി., പതെക് തുടങ്ങിയ റിസ്റ്റ് വാച്ച് ബ്രാൻഡുകൾ തിരയുന്ന ദൃശ്യം അവരുടെ മനസുകളിലുണ്ട്. അത് മമ്മൂട്ടി ആയിരുന്നു

ഇക്കാര്യത്തിൽ ദുബായിലെ ഷെയ്‌ഖുമാരെക്കാൾ പരിജ്ഞാനം മമ്മൂട്ടിക്ക് ഉണ്ട് എന്ന് അവർ സാക്ഷ്യപ്പെടുത്തുന്നു.അതാരെന്ന് അറിയില്ല, പക്ഷെ അത്യന്തം സുമുഖനായിരുന്നു എന്ന് ആ കടയിലെ സെയിൽസ്മാൻ ഓർക്കുന്നു. ആ പേര് അയാൾ തെറ്റായി പറയാൻ താൻ ആഗ്രഹിച്ചില്ല. പക്ഷേ മമ്മൂട്ടിയാണ് എന്ന കാര്യം ഉറപ്പാണ്

പ്രിയപ്പെട്ട ശ്രീരാമേട്ടൻ പകർത്തിയ ചിത്രം എന്ന് അനൂപ് മേനോൻ. 1993ൽ പതിഞ്ഞ മമ്മൂട്ടിയുടെ ചിത്രമാണിത്. ആ ഷർട്ടിൽ കൂടി നോക്കാൻ അനൂപ് മേനോൻ പറയുന്നു. മുന്തിയ വസ്ത്ര ബ്രാൻഡ് ആയ ഗുച്ചിയുടെ ഷർട്ട് ആണിത്

72-ാം ജന്മദിനത്തിന് ശേഷം അണിയറയിൽ ഒരുങ്ങുന്നത് നാല് മമ്മൂട്ടി ചിത്രങ്ങളാണ്. 'കാതൽ: ദി കോർ', 'കണ്ണൂർ സ്‌ക്വാഡ്', 'ഭ്രമയുഗം', 'ബസൂക്ക' തുടങ്ങിയ സിനിമകൾ അണിയറയിൽ പുരോഗമിക്കുകയാണ്