'എനിക്ക് നിന്നോട് സ്നേഹം സ്നേഹം മാത്രം; ഭാവനയ്ക്ക് പിറന്നാള്‍ ആശംസകള്‍ നേര്‍ന്ന് മഞ്ജുവാര്യര്‍

ഏറെ ആരാധകരുള്ള പ്രിയ താരമാണ് ഭാവന. ഇന്ന് താരത്തിന്റ ജന്മദിനമാണ്. നിരവധി പേരാണ് താരത്തിനു ആശംസകൾ നേർന്ന് എത്തുന്നത്. ഇപ്പോഴിതാ ഏറ്റവും അടുത്ത സുഹൃത്തുക്കളിലൊരാളും നടിയുമായ മഞ്ജു വാര്യര്‍ ആശംസയറിയിച്ച് രംഗത്ത് എത്തി.

 മഞ്ജു ആശംസയറിയിച്ച് പങ്കുവച്ച പോസ്റ്റാണ് ഇപ്പോള്‍ സോഷ്യൽ മീഡിയയിൽ വൈറലാകുന്നത്. ഇരുവരും ഒന്നിച്ചുള്ള ചിത്രം പങ്കുവച്ചാണ് ആശംസയറിയിച്ച് എത്തിയത്.

പ്രിയപ്പെട്ടവള്‍ക്ക് പിറന്നാള്‍ ആശംസകള്‍.സ്നേഹം, സ്നേഹം മാത്രം എന്നും മഞ്ജു ഫെയ്സ്ബുക്കില്‍ കുറിച്ചു. ഭാവനയ്ക്കൊപ്പം നില്‍ക്കുന്ന ചിത്രം പങ്കുവെച്ചുകൊണ്ടാണ് മഞ്ജു ആശംസകള്‍ നേര്‍ന്നത്.

ഭാവനയുടെ ജന്മദിനത്തിന്  മഞ്ജുവിന്റെ ഒരു പോസ്റ്റും പതിവാണ്. ഈ കൂട്ടുകാരികൾ ഇപ്പോഴും ഒത്തുകൂടലിനു പ്രാധാന്യം നൽകുന്നവരാണ്.

ഇരുവരും ഒരുമിച്ചുള്ള ചിത്രങ്ങൾ സമൂഹ മാധ്യമങ്ങളിൽ വൈറലാകാറുണ്ട്, ഭാവനയുടെ ആത്മസുഹൃത്തുക്കൾ ആയ ശില്പ ബാല, മൃദുല, ഷഫ്ന സംയുക്ത തുടങ്ങി ഒട്ടനവധി ആളുകൾ ആണ് ആശംസകൾ നേർന്നുകൊണ്ട് എത്തുന്നത്.