Mohanlal | കസവു കോടി ചുറ്റി ലാലേട്ടന്റെ അമ്മ; മോഹൻലാലിന്റെ അമ്മയ്ക്ക് പിറന്നാൾ ആഘോഷം

കൊച്ചി എളമക്കരയിലെ വീട്ടിൽ മോഹൻലാലിന്റെ (Mohanlal) അമ്മയ്ക്ക് പിറന്നാൾ ആഘോഷം. വർഷങ്ങളായി പുറംലോകം അറിയാതെയും കാണാതെയുമിരുന്ന മോഹൻലാലിന്റെ അമ്മയുടെ മുഖം ഇപ്പോഴാണ് ആരാധകർ കാണുന്നത്. മോഹൻലാലിന്റെ ചാരിറ്റി സംഘടനയായ വിശ്വശാന്തി ഫൗണ്ടേഷൻ, അമ്മയുടെയും അച്ഛന്റെയും പേരുകൾ ചേർത്തുകൊണ്ടുള്ളതാണ്. വീൽ ചെയറിൽ ഇരുന്നുകൊണ്ടാണ് അമ്മ പിറന്നാൾ കൊണ്ടാടിയത് 

ഭാര്യ സുചിത്ര, സുഹൃത്തും നിർമാതാവുമായ ആന്റണി പെരുമ്പാവൂർ, സുഹൃത്ത് സനിൽ, മേജർ രവി തുടങ്ങിയവർ പിറന്നാൾ ആഘോഷത്തിൽ പങ്കുചേർന്നു. കൊച്ചുഗായകൻ ആവിർഭവ് മോഹൻലാലിന്റെ അമ്മയുടെ മുന്നിൽ പാട്ടുപാടും ചെയ്തിരുന്നു (തുടർന്ന് വായിക്കുക)

പ്യാരിലാൽ, മോഹൻലാൽ എന്നിവരാണ് വിശ്വനാഥൻ, ശാന്തകുമാരി ദമ്പതികളുടെ മക്കൾ. സഹോദരന്റെയും അച്ഛന്റെയും മരണശേഷം മോഹൻലാൽ അമ്മയെ പരിപാലിച്ചു കൊണ്ട് കൂടെയുണ്ട്. മോഹൻലാലിന്റെ അഭാവത്തിൽ ഭാര്യ സുചിത്രയാകും അമ്മയുടെ ഒപ്പമുണ്ടാവുക

അമ്മയുടെ പ്രിയപ്പെട്ട മകനാണ് മോഹൻലാൽ. ആദ്യകാല സിനിമകളിൽ അഭിനയിച്ചു കാണിച്ച പല ചേഷ്‌ടകളും വീട്ടിലും അതുപോലെ തന്നെ പ്രകടിപ്പിക്കാറുള്ള മകനാണ് മോഹൻലാൽ എന്ന് അമ്മ ഒരിക്കൽ ഒരഭിമുഖത്തിൽ പറയുകയുണ്ടായി

ഒരിക്കൽ സ്ട്രോക്ക് ഉണ്ടായതിനു ശേഷം അമ്മ വീടിനുളിൽ ഒതുങ്ങി. അമ്മയെ പരിചരിക്കാൻ വീട്ടിൽ സഹായികളുമുണ്ട്. മോഹൻലാലിന്റെ ജന്മദിനത്തിന് മുടങ്ങാതെ അമ്പലത്തിൽ വഴിപാട് കഴിക്കാറുണ്ട് അമ്മ ശാന്തകുമാരി

ഫാൻസ്‌ പേജിൽ എത്തിച്ചേർന്ന മോഹൻലാലിന്റെ അമ്മയുടെ പിറന്നാൾ ആഘോഷ ചിത്രങ്ങളിൽ പ്രണവിനെയും വിസ്മയയേയും കാണാൻ സാധിച്ചില്ല. അച്ഛമ്മയുടെ പിറന്നാളിന് പ്രണവിന്റെ ഇൻസ്റ്റഗ്രാം പേജിൽ ഒരു ഇംഗ്ലീഷ് കവിതാ ശകലം കാണാം. മോഹൻലാൽ എമ്പുരാൻ, ബറോസ് ചിത്രങ്ങളുടെ പണിപ്പുരയിലാണ്. ഇതിൽ 'ബറോസ്' ഈ വർഷം തിയേറ്ററിലെത്തും എന്നാണ് പ്രതീക്ഷ