Hardik Pandya | ലോകകപ്പ് കഴിയാൻ കാത്തിരുന്നതോ? ഹർദിക്കുമായി പിരിഞ്ഞു എന്ന് നടാഷ പറയാതെ പറഞ്ഞുവോ?

രാജ്യം മുഴുവൻ ഇന്ത്യയുടെ ട്വന്റി ട്വന്റി ലോകകപ്പ് വിജയം ആഘോഷിച്ചപ്പോൾ ആ വിജയസംഘാംഗമായ ഹർദിക് പാണ്ഡ്യയെ (Hardik Pandya) സംബന്ധിച്ച് അത്ര സന്തോഷമുള്ള വാർത്തയല്ല പുറത്തു വന്നത്. വിജയികളായ ടീം ഇന്ത്യയെ രാജ്യം കൊട്ടും കുരവയുമായി ആദരിച്ചപ്പോഴും ഹർദിക് പാണ്ഡ്യയുടെ കൂടെ എവിടെയും ഭാര്യ നടാഷയെ ആരും കണ്ടില്ല. അവരുടെ വിവാഹമോചന വാർത്തകൾ ഇതോടെ കൂടുതൽ ബലപ്പെട്ടുവോ?

ഇവിടെ ഊഹാപോഹങ്ങളല്ല വിഷയം. ഏറെക്കാലമായി നടാഷ സ്റ്റാൻകോവിച്ച് വിവാഹ മോചനത്തെ കുറിച്ച് ഒന്നും വ്യക്തമാക്കിയിരുന്നില്ല. എന്നാൽ ലോകകപ്പ് വിജയത്തിന് ശേഷം നടാഷ പോസ്റ്റ് ചെയ്ത ഒരു വീഡിയോ ഇതെല്ലാം ഊട്ടിയുറപ്പിക്കുന്നതായി മാറി. ആ വീഡിയോയിലെ നടാഷയുടെ വാക്കുകൾ ചർച്ചയായി മാറുന്നു (തുടർന്ന് വായിക്കുക)

'വീണ്ടുമൊരു ഓർമ്മപ്പെടുത്തൽ മാത്രം. ദൈവം ചെങ്കടൽ എടുത്തുമാറ്റിയില്ല. പകരം, അദ്ദേഹം അതിനെ പിളർത്തി. അതിനർത്ഥം, ദൈവം നിങ്ങളുടെ ജീവിതത്തിൽ നിന്ന് ഒരു പ്രശ്‌നവും നീക്കം ചെയ്യില്ല. അവൻ അതിലൂടെ ഒരു വഴി സൃഷ്‌ടിക്കും,' എന്നായിരുന്നു നടാഷയുടെ വാക്കുകൾ

വിവാഹമോചന വാർത്ത കൊഴുക്കുമ്പോഴും, നടാഷ മകൻ അഗസ്ത്യക്കൊപ്പം സമയം ചിലവിടുകയാണ്. ഇൻസ്റ്റഗ്രാമിൽ അവർ കുറച്ച് ചിത്രങ്ങളും വീഡിയോസുമായി എത്തിച്ചേർന്നു

ഒരു ചിത്രത്തിൽ കാറിന്റെ ഉള്ളിൽ സെൽഫി എടുക്കുന്ന നടാഷയെ കാണാം. മറ്റൊന്നിൽ അവർ ജിമ്മിൽ പോയി വികസിപ്പെടുത്ത ആബ്‌സ് ആണ്. മറ്റൊന്നിൽ മകന്റെ ഒപ്പം ഒരു മ്യൂസിയം സന്ദർശിക്കുന്ന ദൃശ്യം കാണാം

മുൻ ബിഗ് ബോസ് മത്സരാർത്ഥിയും നർത്തകിയുമായ നടാഷ സ്റ്റാൻകോവിച്ച് ക്രിക്കറ്റ് താരം ഹാർദിക് പാണ്ഡ്യയുമായി 2020 മെയ് 31 ന് വിവാഹം ചെയ്തിരുന്നു . 2023 ഫെബ്രുവരിയിൽ അവർ ഹിന്ദു, ക്രിസ്ത്യൻ ആചാരങ്ങൾ പ്രകാരം വിവാഹ പ്രതിജ്ഞ ഊട്ടിയുറപ്പിച്ചു

എന്നാൽ, നടാഷ തൻ്റെ ഇൻസ്റ്റഗ്രാം ഹാൻഡിലിൽ നിന്ന് 'പാണ്ഡ്യ' എന്ന പേര് നീക്കം ചെയ്തതോടെ അവരുടെ വിവാഹമോചന കിംവദന്തികൾ പ്രചരിക്കാൻ ആരംഭിച്ചു. ഐ.പി.എൽ. മത്സരങ്ങളിലും നടാഷ പങ്കെടുത്തില്ല. ആറു മാസങ്ങളായി ഇവർക്കിടയിൽ പ്രശ്നം രൂക്ഷമാണ് എന്ന തരത്തിൽ ചില റിപോർട്ടുകൾ പ്രചരിച്ചിരുന്നു