സ്വത്തും സ്വന്തമാക്കി വേർപിരിഞ്ഞു പോകുമെന്ന് കരുതിയോ? ഏവരെയും ഞെട്ടിച്ച് ഹർദിക് പാണ്ഡ്യയുടെ ഭാര്യ നടാഷ

നാല് വർഷത്തെ വിവാഹജീവിതം അവസാനിപ്പിച്ച്, ക്രിക്കറ്റ് താരം ഹർദിക് പാണ്ഡ്യയും (Hardik Pandya) ഭാര്യ നടാഷ സ്റ്റാൻകോവിച്ചും (Natasa Stankovic) വേർപിരിയുന്നു എന്ന വാർത്തകൾ തലക്കെട്ടുകളിൽ നിറയാൻ ആരംഭിച്ചിട്ട് നാളേറെയായി. ഹർദിക്കിന്റെ സ്വത്തിന്റെ ഒരു വലിയ ഭാഗം നടാഷ സ്വന്തമാക്കി, വിവാഹമോചനം നേടും എന്ന് വരെ റിപോർട്ടുകൾ ഉണ്ടായി. സോഷ്യൽ മീഡിയ പ്ലാറ്റ്‌ഫോം ആയ റെഡിറ്റിലാണ് വേർപിരിയൽ വാർത്ത ആദ്യമായി പ്രത്യക്ഷപ്പെട്ടത്

കോവിഡ് ലോക്ക്ഡൗണിനിടയിൽ 2020 മെയ് മാസത്തിലായിരുന്നു നടാഷ, ഹർദിക് ദമ്പതികളുടെ വിവാഹം. തൊട്ടടുത്ത മാസങ്ങളിൽ തന്നെ നടാഷ അവരുടെ ആദ്യത്തെ കുഞ്ഞിന് ജന്മം നൽകി. അഗസ്ത്യ പാണ്ഡ്യ എന്ന മൂന്നു വയസ്സുള്ള ആൺകുട്ടിയുടെ മാതാപിതാക്കളാണ് ഇവരിപ്പോൾ (തുടർന്ന് വായിക്കുക)

നടാഷ തൻ്റെ ഇൻസ്റ്റഗ്രാം ഹാൻഡിലിൽ നിന്ന് 'പാണ്ഡ്യ' എന്ന ഭർത്താവിന്റെ പേര് നീക്കം ചെയ്തത് നെറ്റിസൺസ് ശ്രദ്ധിച്ചതിന് ശേഷമാണ് വിവാഹമോചന വാർത്തകൾ ആരംഭിച്ചത്. പിന്നീട്, 'നടാഷയും ഹർദിക്കും വേർപിരിഞ്ഞോ?' എന്ന തലക്കെട്ടിൽ ഒരു റെഡ്ഡിറ്റ് പോസ്റ്റ് വരികയും വൈറലാവുകയും ചെയ്തു

ഇപ്പോൾ നടാഷ തന്നെ ഹർദിക് പാണ്ഡ്യയുമായുള്ള വിവാഹമോചന അഭ്യൂഹങ്ങൾ അവസാനിപ്പിച്ചു കൊണ്ട് രംഗത്തെത്തിക്കഴിഞ്ഞു. ഹർദിക്കുമായുള്ള വിവാഹ ചിത്രങ്ങൾ വീണ്ടും നടാഷയുടെ പേജിൽ പ്രത്യക്ഷപ്പെടാൻ ആരംഭിച്ചു

ഇരുവരും പരസ്പരം ചിത്രങ്ങൾ പോസ്റ്റ് ചെയ്യുന്നില്ലെന്നും, ഐപിഎൽ 2024 മത്സരങ്ങളിലെ നടാഷസയുടെ അസാന്നിധ്യം എന്തുകൊണ്ടെന്നും ചോദ്യമുയർന്നിരുന്നു

ആറ് മാസത്തോളമായി ഹർദിക്കും നടാഷയും ദാമ്പത്യ ജീവിതത്തിൽ പ്രശ്‌നങ്ങൾ നേരിടുന്നുണ്ടെന്ന് ബോംബെ ടൈംസ് കഴിഞ്ഞ ആഴ്ച റിപ്പോർട്ട് ചെയ്തിരുന്നു. ദമ്പതികൾ വേർപിരിയലിലേക്ക് നീങ്ങാൻ സാധ്യതയുണ്ട് എന്ന് ഒരു ഉറവിടം ബോംബെ ടൈംസിനോട് പറഞ്ഞു