'ദൈവത്തിന് നന്ദി'; പുതിയ വിശേഷം പങ്കുവച്ച് നവ്യ നായർ

ഏറെ ആരാധകരുള്ള പ്രിയ താരമാണ് നടി നവ്യ നായർ. തുടക്കം മുതൽ തന്നെ മലയാളി മനസ്സിൽ താരം ഇടം പിടിച്ചിരുന്നു. ഇതിനു പിന്നാലെ താരത്തിൻരെ വിശേഷങ്ങൾ‌ അറിയാൻ ആരാധകർക്ക് ഏറെ താത്പര്യമാണ്.

സോഷ്യൽ മീഡിയയിൽ സജീവമായ താരം ,തന്റെ എല്ല വിശേഷങ്ങളും പങ്കുവയ്ക്കാറുണ്ട്. ഇപ്പോഴിതാ പുതിയ വിശേഷം പങ്കുവച്ച് എത്തിയിരിക്കുകയാണ് താരം. ഡ്രീം കാർ സ്വന്തമാക്കിയ വിശേഷമാണ് താരം ആരാധകരുമായി പങ്കുവച്ചിരിക്കുന്നത്.

ബിഎംഡബ്ല്യു എക്സ് 7 ആണ് നവ്യ വാങ്ങിയിരിക്കുന്നത്. ബിഎംഡബ്ല്യു വിതരണക്കാരായ ഇവിഎം ഓട്ടോക്രാഫ്റ്റിൽ നിന്നാണ് നവ്യ ഈ ആഡംബര എസ്‍യുവി സ്വന്തമാക്കിയത്.

"എൻ്റെ കുടുംബത്തിലേക്ക് ഒരു പുതിയൊരാളെ കൂടി സ്വാഗതം ചെയ്യുന്നതിനാൽ ഈ പ്രത്യേക നിമിഷത്തിൽ എന്നോടൊപ്പം ചേരൂ - അതിശയിപ്പിക്കുന്ന BMW X7! ഈ യാത്ര അവിശ്വസനീയമായിരുന്നു, നിങ്ങളുമായി ഇത് പങ്കിടാതെ പറ്റില്ല.

എന്ന് കുറിച്ചാണ് താരം വീഡിയോ ആദ്യം പങ്കുവച്ചത്. ഇതിനു പിന്നാലെ ദൈവത്തിന് നന്ദി അറിയിച്ച് കൊണ്ട് ചിത്രങ്ങളും താരം പങ്കുവച്ചിട്ടുണ്ട്. ഏകദേശം 1.30 കോടി രൂപയാണ് വാഹനത്തിന്റെ എക്സ്ഷോറൂം വില. ഇതോടെ നിരവധി പേരാണ് താരത്തിനു ആശംസകള്‍ നേര്‍ന്ന് എത്തുന്നത്.

മലയാള സിനിമയിലെ ബാലാമണി ആയിട്ടാണ് ഇന്നും നവ്യയെ ആരാധകർ വിശേഷിപ്പിക്കുന്നത്. കഴിഞ്ഞ പത്തുവർഷത്തിൽ അധികമായി മലയാളി സിനിമ പ്രേക്ഷകരുടെ സ്വന്തമാണ് നവ്യ.

വിവാഹശേഷം അഭിനയത്തിൽ നിന്നും അൽപ്പം ഇടവേള എടുത്ത നവ്യ ഇപ്പോൾ അഭിനയരംഗത്തേക്ക് മടങ്ങിയെത്തിയിട്ടുണ്ട്. ഒരുത്തീയും ജാനകി ജാനേയും ആണ് മടങ്ങിവരവിൽ നവ്യ അഭിനയിച്ചത് . ആ മടങ്ങി വരവിന് സന്തോഷിന് ആണ് ആരാധകർ നന്ദി പറഞ്ഞതും.