Nayanthara | 'ഈ പ്രണയദിനം മികച്ചതാക്കിയതിന് നന്ദി'; നയൻതാരയുടെ വാലന്റൈൻസ് ഡേ ഇവർക്കൊപ്പം

പ്രണയദിന ആഘോഷത്തിലാണ് ഇന്ന് ലോകമെങ്ങും. തെന്നിന്ത്യൻ സൂപ്പർതാരം നയൻതാരയും പ്രണയദിന ആഘോഷങ്ങളുടെ തിരക്കിലാണ്.

ഇത്തവണ തന്റെ കുസൃതികുട്ടന്മാരോടൊപ്പമാണ് നയൻസിന്റെ വാലൻ്റൈൻസ് ഡേ. തന്റെ ഇരട്ടക്കുട്ടികളോടൊപ്പമുള്ള ചിത്രങ്ങളും താരം പങ്കുവെച്ചു.

"ഞാൻ നിന്നെ സ്നേഹിക്കുന്നു എൻ്റെ ഉയിർ, ഞാൻ നിന്നെ സ്നേഹിക്കുന്നു എൻ്റെ ഉലക്. എൻ്റെ വാലൻ്റൈൻസ് ഡേ എക്കാലത്തെയും ബെസ്റ്റ് ആക്കിയതിന് നന്ദി," താരം കുറിച്ചു.

പൂക്കൾ സമ്മാനിച്ച തന്റെ ഇരട്ടക്കുട്ടികളെ വാരിപുണരുന്ന നയൻതാരയെ ആണ് ചിത്രങ്ങളിൽ കാണുന്നത്. പതിവുപോലെ ഒരുപോലത്തെ ഡ്രസ്സുകൾ തന്നെയാണ് ഉലകും ഉയിരും അണിഞ്ഞിരിക്കുന്നത്.

സംവിധായകന്‍ വിഗ്നേഷ് ശിവനെ വിവാഹം ചെയ്തത് മുതല്‍ കുടുംബ ജീവിതത്തിലും താരം അതീവ ശ്രദ്ധയാണ് വച്ചു പുലര്‍ത്തുന്നത്. മക്കളായ ഉയിരിനും ഉലകിനുമൊപ്പമാണ് നയന്‍സ് ഇപ്പോള്‍ ഏറിയ സമയവും ചെലവഴിക്കുന്നത്.