Nayanthara | പൊന്നോമനയെ തോളിലേറ്റി നയൻതാര; ഇത് ഉയിരോ ഉലകോ എന്ന് ആരാധകർ

ഇന്ത്യൻ സിനിമയിൽ ഏറ്റവും അധികം ആഘോഷിക്കപ്പെടുന്ന താരദമ്പതികളാണ് നയൻതാരയും വിഘ്നേഷ് ശിവനും. ജീവിതത്തിലെ ഓരോ പ്രധാന നിമിഷവും ഇരുവരും സോഷ്യൽമീഡിയയിൽ പങ്കുവെക്കുകയും ആഘോഷിക്കുകയും ചെയ്യാറുണ്ട്.

നയൻതാരയുടെ വ്യക്തിജീവിതവും ആരാധകർക്ക് ഏറെ പ്രിയപ്പെട്ടതാണ്. സംവിധായകൻ വിഘ്‌നേഷ് ശിവനൊപ്പം സന്തോഷകരമായ ദാമ്പത്യ ജീവിതം നയിക്കുന്ന താരം, ഉയിർ, ഉലകം എന്നീ ഇരട്ടക്കുട്ടികളുടെ അമ്മയുമാണ്.

ഇപ്പോൾ താരം പങ്കിട്ട ചിത്രമാണ് സമൂഹമാധ്യമങ്ങളിൽ വൈറലായത്. തന്റെ പൊന്നോമനയെ നെഞ്ചോട് ചേർത്ത ചിത്രമാണ് നയൻതാര പങ്കുവെച്ചത്.

എന്നാൽ ഇത് ഉയിർ ആണോ അതോ ഉലക് ആണോ എന്ന ചോദ്യമാണ് കമന്റുകളിൽ നിറയുന്നത്. 'എല്ലാ ദൈവകൃപയും ഒരു ചെറിയ മുഖത്ത്', എന്ന അടിക്കുറിപ്പോടെയാണ് നയൻതാര ചിത്രം പങ്കിട്ടത്.

എന്നാൽ രണ്ടുമക്കളെയും എടുത്ത് നിൽക്കുന്ന ചിത്രവും താരം ഇൻസ്റ്റാഗ്രാമിൽ സ്റ്റോറിയായി ഇട്ടിട്ടുണ്ട്. ഇരു ചിത്രങ്ങൾക്കും പ്രേക്ഷകർ ഏറ്റെടുത്തു കഴിഞ്ഞു.