Parineeti Chopra| ജോലി ചാർട്ടേഡ് അക്കൗണ്ടന്റ്, തട്ടകം രാഷ്ട്രീയം; പരിനീതി ചോപ്രയുടെ ഭർത്താവിന്റെ ആസ്തി

ദിവസങ്ങൾക്കു മുമ്പാണ് ബോളിവുഡ് നടി പരിനീതി ചോപ്രയും ആം ആദ്മി പാർട്ടി നേതാവ് രാഘവ് ഛദ്ദയും തമ്മിലുള്ള വിവാഹം കഴിഞ്ഞത്.

അടുത്ത ബന്ധുക്കളും സുഹൃത്തുക്കളും പങ്കെടുത്ത സ്വകാര്യ ചടങ്ങളിൽ ആഢംബര രീതിയിലായിരുന്നു വിവാഹം.

തട്ടകം രാഷ്ട്രീയമാണെങ്കിലും രാഘവ് ഛദ്ദയുടെ തൊഴിൽ ചാർട്ടേഡ് അക്കൗണ്ടന്റാണ് രാഘവ് ഛദ്ദ. നിരവധി പ്രമുഖ കമ്പനികളുടെ ചാർട്ടേഡ് അക്കൗണ്ടന്റാണ് അദ്ദേഹം. ഡിലോയിറ്റ്, ശ്യാം മൽപാനി, ഗ്രാന്റ് തോൺടൺ തുടങ്ങി നിരവധി പ്രമുഖ കമ്പനികളുമായി ചേർന്ന് രാഘവ് ഛദ്ദ പ്രവർത്തിക്കുന്നുണ്ട്.

ബോളിവുഡ് ശൈലിയിൽ നിന്ന് വ്യത്യസ്തമായി സാധാരണക്കാരനായാണ് രാഘവ് ഛദ്ദയുടെ ജീവിത രീതി. 50 ലക്ഷം രൂപയാണ് അദ്ദേഹത്തിന്റെ ആകെ ആസ്തിയെന്നാണ് ഫിനാൻഷ്യൽ എക്സ്പ്രസ്സ് റിപ്പോർട്ട് ചെയ്യുന്നത്.

മാരുതി സ്വിഫ്റ്റ് ഡിസയർ കാറാണ് പരിനീതി ചോപ്രയുടെ ഭർത്താവ് ഉപയോഗിക്കുന്നത്. കൂടാതെ, 4,95,000 രൂപ വിലമതിക്കുന്ന ആഭരണങ്ങളും 37 ലക്ഷം രൂപയുടെ വസതിയും അദ്ദേഹത്തിന് സ്വന്തമായുണ്ട്.

അതേസമയം, 60 കോടിയാണ് പരിനീതി ചോപ്രയുടെ ആസ്തി. മുംബൈയിൽ കടലിന് അഭിമുഖമായി ലക്ഷ്വറി അപാർട്മെന്റും ഔഡി എ6, ജാഗ്വാർ എക്സ്ജെഎൽ, ഔഡി ക്യൂ5 എന്നീ ആഢംബര കാറുകളും താരത്തിന് സ്വന്തമായുണ്ട്.