'ഞാന്‍ എത്ര ഭാഗ്യവാനാണ്': പ്രിയതമയ്ക്ക് പിറന്നാള്‍ ആശംസകള്‍ നേർന്ന് ഭർത്താവ് നിക്ക് ജൊനാസ്

ആരാധകരുടെ പ്രിയ താരം പ്രിയങ്ക ചോപ്ര ഇന്ന് 42-ാം ജന്മദിനം ആഘോഷിക്കുകയാണ്. നിരവധി പേരാണ് താരത്തിനു ആശംസകൾ നേർന്ന് എത്തുന്നത്. ഇതിനിടെയിൽ പ്രിയതമയ്ക്ക് പിറന്നാള്‍ ആശംസകള്‍ നേർന്ന് ഭർത്താവ് നിക്ക് ജൊനാസ് പങ്കുവച്ച ആശംസ കുറിപ്പാണ് ആരാധകർക്കിടയിൽ വൈറലാകുന്നത്.

'നീ എന്ന പെണ്ണ്, ഞാന്‍ എന്ത് ഭാഗ്യവാനാണ്. എന്റെ പ്രണയത്തിന് പിറന്നാള്‍ ആശംസകള്‍ എന്ന് കുറിച്ചാണ് ആശംസകൾ നേര്‍ന്നത്. ഇതിനൊപ്പം പ്രിയങ്കയ്ക്കൊപ്പമുള്ള വെക്കേഷൻ ചിത്രങ്ങളും നിക്ക് പങ്കുവച്ചിട്ടുണ്ട്.

ഇതോടെ നിരവധി പേരാണ് താരത്തിനു ആശംസകൾ നേർന്ന് എത്തുന്നത്. 2018- ലാണ് പ്രിയങ്കയും നിക്കും വിവാഹിതരാകുന്നത്. പ്രിയങ്കയെ പോലൊരു ജീവിത പങ്കാളിയെ ലഭിച്ചതില്‍ നിങ്ങൾ ശരിക്കുമൊരു ഭാഗ്യവാനാണെന്നാണ് ആരാധകർ പോസ്റ്റിനു താഴെ കുറിച്ചത്.

ഒരു ഫിലിം ഫെസ്റ്റിവലില്‍ വച്ചാണ് പ്രിയങ്കയും നിക്കും കണ്ടുമുട്ടുന്നതും പരിചയത്തിലാവുന്നതും. ആദ്യ കാഴ്ചയിലെ അടുപ്പത്തിലായ താരങ്ങള്‍ വളരെ പെട്ടെന്നാണ് കുടുംബജീവിതത്തിലേക്ക് പ്രവേശിക്കുന്നത്.

ഇന്ത്യയില്‍ വച്ച് പരമ്പരാഗതമായ ആചാരപ്രകാരം വിവാഹിതരായ താരങ്ങള്‍ പിന്നീട് വിദേശത്തേക്ക് പോവുകയായിരുന്നു.  ഇരുവർക്കും ഒരു പെണ്‍കുഞ്ഞ് ഉണ്ട്. മാള്‍ട്ടി എന്നാണ് പേര്.