ബോളിവുഡ് പെണ്ണിന് ആം ആദ്മി ചെക്കൻ; രാഷ്ട്രീയക്കാരനുമായി സിനിമാ സെറ്റിൽ തുടങ്ങിയ പരിണീതിയുടെ പ്രണയം

ബോളിവുഡിനെയും രാഷ്ട്രീയ മേഖലയെയും കൂട്ടിക്കെട്ടിയ ഒരു പ്രണയ വിവാഹത്തിന്റെ നിശ്ചയ ചടങ്ങുകൾക്ക് കഴിഞ്ഞ ദിവസം ന്യൂഡൽഹി സാക്ഷ്യം വഹിച്ചിരുന്നു. ബോളിവുഡ് താരം പരിണീതി ചോപ്രയും (Parineeti Chopra) ആം ആദ്മി പാർട്ടി എഎപി നേതാവ് രാഘവ് ഛദ്ദയും (Raghav Chadha) ഒരു സ്വകാര്യ ചടങ്ങിൽ വച്ച് വിവാഹനിശ്ചയം നടത്തി. സെൻട്രൽ ഡൽഹിയിലെ കപൂർത്തല ഹൗസിൽ നടന്ന ചടങ്ങിൽ ഡൽഹി മുഖ്യമന്ത്രി അരവിന്ദ് കെജ്രിവാളും പഞ്ചാബ് മുഖ്യമന്ത്രിയും ഉൾപ്പെടെ 150 ഓളം അതിഥികൾ പങ്കെടുത്തു

പഞ്ചാബ് മുഖ്യമന്ത്രി ഭഗവന്ത് മൻ, പരിനീതിയുടെ കസിൻ പ്രിയങ്ക ചോപ്ര ജോനസ് എന്നിവരും അതിഥികളായെത്തി. മാർച്ച് മാസം മുംബൈയിൽ ഒന്നിച്ചു കണ്ടതുമുതലാണ് ഇവർ പ്രണയത്തിലാണെന്നും, വിവാഹം ചെയ്യാൻ പോകുന്നുവെന്നുമുള്ള വിവരം പുറത്തുവന്നത്. ആ പ്രണയത്തിന് രസകരമായ ഒരു തുടക്കമുണ്ട് (തുടർന്ന് വായിക്കുക)

രാഘവും പരിണീതിയും വളരെക്കാലമായി പരസ്പരം അറിയാവുന്നവരാണ്. ഇരുവരും ലണ്ടൻ സ്കൂൾ ഓഫ് ഇക്കണോമിക്സിൽ ഒരുമിച്ച് പഠിച്ചു എന്ന് ഒന്നിലധികം റിപ്പോർട്ടുകൾ രേഖപ്പെടുത്തുന്നു

ഒരു റിപ്പോർട്ട് അനുസരിച്ച്, ഇവരുടെ പ്രണയകഥയുടെ തുടക്കം കഴിഞ്ഞ വർഷമാണ്. ചമകിലയുടെ സെറ്റിൽ പരിണീതിക്കും രാഘവിനും ഇടയിൽ പ്രണയം പൂവണിയുകയായിരുന്നു

പരിണീതി പഞ്ചാബിൽ സിനിമയുടെ ചിത്രീകരണത്തിലായിരുന്നു. രാഘവ് ഒരു സുഹൃത്തിനെ കാണാൻ ആ സെറ്റിൽ പോയിരുന്നു. എന്നാൽ വിധി കാത്തുവച്ചത് ഭാവി ജീവിതപങ്കാളികളെയാണ്. ഒടുവിൽ ഇരുവരും പ്രണയത്തിലായി

പരിണീതി ചോപ്രയും രാഘവ് ഛദ്ദയും ചടങ്ങിൽ നിന്നുള്ള ഫോട്ടോകൾക്കൊപ്പം സോഷ്യൽ മീഡിയയിൽ നിശ്ചയ വാർത്ത പ്രഖ്യാപിക്കുകയായിരുന്നു. വിവാഹനിശ്ചയം കഴിഞ്ഞയുടനെ പാപ്പരാസികൾക്ക് വേണ്ടി പോസ് ചെയ്യാനും അവർ മറന്നില്ല

വിവാഹ നിശ്ചയത്തിന് പരിണീതി ചോപ്ര അതിമനോഹരമായ ഓൾ-വൈറ്റ് സൽവാർ സ്യൂട്ട് അണിഞ്ഞിരുന്നു. രാഘവ് കുർത്ത പൈജാമയിൽ എത്തിച്ചേർന്നു. പാപ്പരാസികൾക്ക് പോസ് ചെയ്യുമ്പോൾ പരിണീതിയെ രാഘവ് ചേർത്തുപിടിച്ചു