Pearle Maaney|നീ ചെയ്ത കാര്യങ്ങൾ ലോകമറിയാനായി ഞാൻ കാത്തിരിക്കുന്നു; കമലഹാസന്റെ മകൾ അക്ഷരയെക്കുറിച്ച് പേളി മാണി

ഉലക നായകൻ കമലഹാസന്റെ മകൾ അക്ഷരഹാസനൊപ്പമുള്ള പേളി മാണിയുടെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. തന്റെ ഇൻസ്റ്റ​ഗ്രാം അക്കൗണ്ടിലാണ് പേളി മാണി അക്ഷരയ്ക്കൊപ്പമുള്ള ചിത്രങ്ങൾ പങ്കുവെച്ചത്.

ഐഐഎഫ്എ വേദിയിൽ വെച്ചാണ് ഇരുവരും കണ്ടുമുട്ടിയത്. ആദ്യ കാഴ്ച്ചയിൽ തന്നെ നിങ്ങളെ മനസ്സിലാക്കാൻ സാധിച്ചുവെന്നാണ് പേളി പറയുന്നത്. നിങ്ങൾ എത്ര കൂളായ വ്യക്തിയാണെന്നും ആദ്യ കാഴ്ച്ചയിൽ തന്നെ സൗഹൃദം സ്ഥാപിക്കാനായി എന്നും പേളി പറയുന്നു.

“Friendship at first Sight” എന്നാണ് അക്ഷരഹാസനുമായുള്ള കൂടിക്കാഴ്ച്ചയെ പേളി മാണി വിശേഷിപ്പിച്ചത്. വരാൻ പോകുന്ന കാര്യങ്ങളും നിങ്ങൾ ചെയ്യുന്ന അത്ഭുതകരമായ പ്രവൃത്തിയും സാക്ഷ്യം വഹിക്കാൻ എല്ലാവർക്കും കാത്തിരിക്കാം എന്നും പേളി കുറിച്ചു.

പേളി പങ്കുവെച്ച ഈ ചിത്രങ്ങളിൽ കമ്മന്റുമായി അക്ഷരയും എത്തിയിട്ടുണ്ട്. എനിക്ക് നിങ്ങളെയും മനസ്സിലാക്കാൻ സാധിച്ചുവെന്നും, മനോഹരമായ വ്യക്തിത്വത്തിന് ഉടമയാണ് പേളിയെന്നും അക്ഷര കുറിച്ചു.

പേളിയുടെ മകൾ നിതാരയെ എടുത്തു നിൽക്കുന്ന അക്ഷരയുടെ ചിത്രങ്ങളും പേളി പങ്കുവെച്ചിട്ടുണ്ട്. എല്ലാ താരങ്ങളേയും ഒരു കുടക്കീഴിൽ ഇങ്ങനെ കാണാമെന്നുള്ളത് കൊണ്ടാണ് താൻ ഐഐഎഫ്എ വേദിയിലെത്തുന്നതെന്നും പേളി പറയുന്നു.

ഏറെ ആരാധകരുള്ള നടിയും അവതാരകയുമാണ് പേളി മാണി. സോഷ്യൽ മീഡിയയിൽ സജീവമായ പേളി തന്റെ പെൺമക്കളുടെ വിശേഷങ്ങളും മറ്റുമെല്ലാം ആരാധകരുമായി പങ്കുവെക്കാറുണ്ട്.