നില ബേബിയുടെ രണ്ടാം പിറന്നാള്‍ ആഘോഷമാക്കി പേളിയും ശ്രീനിഷും

പേളി മാണിയും ശ്രിനിഷ് അരവിന്ദും പ്രേക്ഷകര്‍ക്ക് ഏറെ പ്രിയപ്പെട്ട താരദമ്പതികളാണ്. അവരുടെ എല്ല ആഘോഷങ്ങളും പ്രേക്ഷകര്‍ ഇരുകൈയോടെ സ്വീകരിക്കറുണ്ട്. ഇപ്പോഴിതാ നിലു ബേബിയുടെ രണ്ടാം പിറന്നാളിന്റെ ചിത്രം സമൂഹ മാധ്യമങ്ങളിലൂടെ പങ്കുവച്ചിരിക്കുകയാണ് ഇരുവരും.

ബിഗ് ബോസിലൂടെ പരിചയപ്പെടുകയും പ്രണയത്തിലാകുകയും ചെയ്ത ശ്രീനിഷും പേർളി മാണിയും 2018 ഡിസംബർ 22ന് വിവാഹിതരാകുകയായിരുന്നു. ചാനൽ റിയാലിറ്റി ഷോയിലൂടെ മൊട്ടിട്ട പ്രണയം ഇരുവരെയുമെന്ന പോലെ പ്രേക്ഷകരെയും സന്തോഷിപ്പിച്ചിരുന്നു.

സ്വന്തമായി യുട്യൂബ് ചാനലുളള പേളി തന്റെ വിശേഷങ്ങളെല്ലാം ആരാധകരുമായി പങ്കുവെയ്ക്കാറുണ്ട്. ഇവരുടെ മകളായ നിലയ്ക്കും സമൂഹമാധ്യമങ്ങളില്‍ ആരാധകര്‍ ഏറെയാണ്.

ഇപ്പോഴിതാ നിലയുടെ രണ്ടാം പിറന്നാളാഘോഷത്തിന്റെ തിരക്കിലാണ് എല്ലാവരും. ഇതിൻറെ വിശേഷങ്ങള്‍ വൈറലായിക്കൊണ്ടിരിക്കുകയാണ്. കുഞ്ഞ് നിലയുടെ രണ്ടാം പിറന്നാള്‍ പേളിയും ശ്രീനിഷും ആഘോഷിച്ചത് ഗ്രാന്‍ഡ് ആയിട്ടായിരുന്നു. ഇരു വീട്ടുകാരും പങ്കെടുത്തു പിറന്നാളാഘോഷം ഗംഭീരമാക്കി

ക്യൂട്ട് ലുക്കില്‍ ഒരു പൂമ്ബാറ്റയെ പോലെ ആണ് നിലയെ ഒരുക്കിയിരിക്കുന്നത്. കൊക്കോമെലോണ്‍ തീം ആണ് പിറന്നാള്‍ ആഘോഷങ്ങള്‍ക്കായി തിരഞ്ഞെടുത്തത്. നിലയുടെ ഡ്രസിന് ചേരുന്ന തരത്തിലായിരുന്നു എല്ലാം ക്രമീകരിച്ചത്.

സമൂഹമാധ്യമങ്ങളില്‍ പങ്കുവെച്ച ബര്‍ത്ത്‌ഡേ ആഘോഷങ്ങളുടെ ചിത്രങ്ങളെല്ലാം ഇതിനോടകം ആരാധകര്‍ ഏറ്റെടുത്ത് കഴിഞ്ഞു. നിരവധി പേരാണ് നിലയ്ക്ക് പിറന്നാള്‍ ആശംസകള്‍ അറിയിച്ചത്.