'മാൾട്ടിയുടെ സെൽഫി'; വൈറലായി പ്രിയങ്ക ചോപ്രയുടെ മകള്‍ പകർത്തിയ ചിത്രങ്ങൾ

നിരവധി ആരാധകരുള്ള ബോളിവുഡ് നടിയാണ് പ്രിയങ്ക ചോപ്ര. സോഷ്യല്‍ മീഡിയയില്‍ സജ്ജീവമായ താരം തന്‍റെ ഓരോ വിശേഷങ്ങളും ആരാധകരുമായി പങ്കുവയ്ക്കാറുണ്ട്.

മകൾ മാൾട്ടി മേരി എടുത്ത സെൽഫിയാണ് ഇപ്പോൾ താരം പങ്കുവെച്ചിരിക്കുന്നത്.  'അവൾ കുറച്ച് സെൽഫികൾ എടുത്തു', എന്ന ക്യാപ്ഷനോടെയാണ് പ്രിയങ്ക ചിത്രങ്ങൾ പങ്കുവെച്ചത്. 

ചിത്രങ്ങൾ സോഷ്യൽമീഡിയ ഏറ്റെടുത്തിരിക്കുകയാണ്. 'അവളുടെ സുന്ദരിയായ അമ്മയെപ്പോലെ അവളും ഒരു സെൽഫി രാജ്ഞിയാണ്', 'അവൾ വളരെ മിടുക്കിയായ പെൺകുട്ടിയാണ്', 'സെൽഫി ക്വീൻസ്', എന്നിങ്ങനെ നിരവധി കമന്റുകളാണ് നിറയുന്നത്. 

വാടക ഗർഭപാത്രത്തിലൂടെയാണ് പ്രിയങ്കയ്ക്കും ഭർത്താവ് നിക്ക് ജോനാസിനും പെൺകുഞ്ഞ് ജനിച്ചത്. കഴിഞ്ഞ വർഷം ജനുവരിയിലാണ് നിക്കിനും പ്രിയങ്കയ്ക്കും പെൺകുഞ്ഞ് ജനിച്ചത്.

മാൽതി മേരി ചോപ്ര ജോനാസ് എന്നാണ് ഇരുവരും കുഞ്ഞിന് പേരിട്ടത്. ഇരുവരുടേയും അമ്മമാരുടെ പേരിൽ നിന്നാണ് മകൾക്ക് മാൽതി മേരി എന്ന പേര് നൽകിയത്.