72-ാം വയസിലും മലയും മേടും ചുറുചുറുക്കോടെ കയറി ബാബ ജി ​ഗുഹ സന്ദർശിച്ച് രജനികാന്ത്

തന്റെ ഏത് ചിത്രവും റിലീസ് ചെയ്യുന്നതിനു മുന്നോടിയായി ഹിമാലയത്തിൽ സന്ദർശനം നടത്തുന്നത് നടൻ രജനികാന്തിന്റെ പരിവാണ്. കൊവിഡ് കാലത്ത് മാത്രമാണ് ഈ ഒരു യാത്ര സാധ്യമാക്കാത്തത്.

ഈ ഒരു ശീലം താരം തന്റെ അവസാനം ഇറങ്ങിയ നെല്‍സണ്‍ ദിലീപ് കുമാര്‍ സംവിധാനം ചെയ്ത ജിയലറിലും സ്വീകരിച്ചിരുന്നു. സൂപ്പർ ഹിറ്റായി ജയിലർ ഓടുമ്പോൾ രജനികാന്ത് ഹിമാലയത്തിലേക്ക് പോയിരുന്നു.

ഏതാനും ദിവസങ്ങൾക്ക് മുൻപായിരുന്നു തീര്‍ത്ഥ യാത്ര കഴിഞ്ഞ് താരം എത്തിയത്. ഈ അവസരത്തിൽ താരം ബാബ ജി ​ഗുഹ സന്ദർശിക്കുന്നതിന്റെ ചിത്രങ്ങളാണ് പുറത്തുവന്നിരിക്കുന്നത്.

കുന്നും മലയും കയറി ബാബ ജി ​ഗുഹ സന്ദർശിക്കുന്ന രജനികാന്തിനെ ചിത്രങ്ങളിൽ കാണാം. ഇദ്ദേഹത്തോടൊപ്പം സെക്യൂരിറ്റി ഉദ്യോ​ഗസ്ഥരും പ്രദേശത്തെ അധികാരികളും ഉണ്ട്. ഒരു മണിക്കൂറോളം നടന്നാണ് താരം ഗുഹയിലെത്തിയത്.

"ഇതാണ് യഥാർത്ഥ രജനികാന്ത്, തലൈവർ രജനികാന്ത് ഹിമയാലയം സന്ദർശിച്ചതിൽ അതിയായ സന്തോഷമുണ്ട്, ഈ പ്രായത്തിലും മലയും മേടും ചുറുചുറുക്കോടെ കയറി ഇറങ്ങുന്ന അദ്ദേഹത്തെ സമ്മതിക്കണം", എന്നിങ്ങനെ നിരവധി കമന്റുകളാണ് ചിത്രത്തിനു ലഭിക്കുന്നത്.