Rashmika Mandanna| ആഡംബര വില്ല മുതൽ ഹാൻഡ്‌ബാഗ് വരെ; രശ്മികയുടെ വിലയേറിയ സ്വത്തുക്കൾ

മലയാളികൾക്കും ഏറെ പ്രിയങ്കരിയായ തെന്നിന്ത്യൻ താരമാണ് രശ്‌മിക മന്ദാന. രശ്മികയുടെ വിലയേറിയ സ്വത്തുക്കളെ കുറിച്ചാണ് ഇപ്പോൾ സോഷ്യൽ മീഡിയയിൽ ചർച്ച നടക്കുന്നത്.

ഹാൻഡ്‌ബാഗുകൾ, വസ്ത്രങ്ങൾ, ആഡംബര വില്ലകൾ, ആഡംബര കാറുകൾ തുടങ്ങി ലിസ്റ്റ് നീളുകയാണ്. രശ്മികയുടെ വിലയേറിയ സ്വത്തുക്കൾ എന്തൊക്കെയെന്ന് നോക്കാം.

ഫാഷൻ പ്രേമിയായ രശ്മികയുടെ കയ്യിലുള്ള 'ലൂയി വിറ്റോൺ' ബ്രാൻഡിന്റെ വില കേട്ടാൽ ആരും അമ്പരക്കും. മൂന്ന് ലക്ഷം രൂപ. ബാഗിൽ തവിട്ട് നിറത്തിലുള്ള ലെതർ സ്‌ട്രാപ്പും ഒരു മെറ്റൽ ടോപ്പ് ഹാൻഡിലുമുണ്ട്. രശ്മികയുടെ കൈവശമുള്ള ഏറ്റവും ആഡംബരമുള്ള ഹാൻഡ്ബാഗുകളിൽ ഒന്നാണിത്.

'സിമ്മർമാൻ ലവ്ലോൺ' എന്ന ആഡംബര ബ്രാൻഡിന്റെ ഫ്ലോറൽ ഷോർട്ട് ഡ്രസ്സാണ് അടുത്തത്. ഇതിന് ഏകദേശം 63,000 രൂപ വിലവരും.

ഏകദേശം 50 ലക്ഷം രൂപ വിലയുള്ള മെഴ്‌സിഡസ് ബെൻസ് സി ക്ലാസും, 45 ലക്ഷം രൂപ വിലമതിക്കുന്ന ഔഡി ക്യൂ 3 കാറും കൂടാതെ റേഞ്ച് റോവർ, ടൊയോട്ട ഇന്നോവ, ഹ്യുണ്ടായ് ക്രെറ്റ എന്നിവയും രശ്മികയ്ക്കുണ്ട്. 

ബെംഗളൂരുവിൽ എട്ട് കോടി രൂപ വിലമതിക്കുന്ന ആഡംബര വില്ല കൂടാതെ മുംബൈയിൽ ഒരു ആഡംബര വീടും  രശ്മികക്കുണ്ട്.

രശ്മികയുടെ വെളുത്ത 'ബലെൻസിയാഗ' ബാഗിന് വില ഏകദേശം 82,189 രൂപ വരും.