Rashmika Mandanna: ഇതു പ്രണയ സന്ദേശമോ? വൈറലായി രശ്മിക മന്ദാനയുടെ കുറിപ്പ്

ടോളിവുഡിലും കോളിവുഡിലും ബോളിവുഡിലും തിരക്കിലാണ് നടി രശ്മിക മന്ദാന. അനിമൽ എന്ന ചിത്രത്തിലൂടെ ബ്ലോക്ക്ബസ്റ്റർ ഹിറ്റ് നേടിയ രശ്മിക മറ്റൊരു പാൻ ഇന്ത്യൻ ചിത്രമായ പുഷ്പ-2ന്റെ തിരക്കിലാണ്.

രശ്മിക-രൺബീർ നായികാ നായകന്മാരായി എത്തിയ അനിമൽ ലോകമെമ്പാടുമായി 800 കോടി കളക്ഷൻ നേടി. ഇന്ത്യയിൽ മാത്രം 500 കോടി കളക്ഷൻ സ്വന്തമാക്കി. ഈ ചിത്രത്തിലെ നടി രശ്മികയുടെ പ്രകടനത്തെയും ആരാധകർ അഭിനന്ദിച്ചു. ഈ ചിത്രത്തിന്റെ വിജയത്തിന് ശേഷം രശ്മികയ്ക്ക് കൈനിറയെ ചിത്രങ്ങളാണ്.

സിനിമയ്‌ക്ക് പുറമെ പ്രണയവുമായി ബന്ധപ്പെട്ടും വാർത്തകളിൽ നിറഞ്ഞുനിൽക്കുന്ന താരമാണ് രശ്മിക. തെലുങ്ക് നടൻ വിജയ് ദേവരക്കൊണ്ടയുമായി രശ്മിക പ്രണയത്തിലാണെന്ന അഭ്യൂഹങ്ങൾ വർഷങ്ങളായി പ്രചരിക്കുന്നുണ്ട്. നല്ല സുഹൃത്തുക്കളെന്ന് പറയപ്പെടുന്ന രശ്മിക പലതവണ വിജയ് ദേവരകൊണ്ടയ്‌ക്കൊപ്പം പ്രത്യക്ഷപ്പെടുന്ന ചിത്രങ്ങൾ പുറത്തുവന്നിട്ടുണ്ട്.

വിദേശയാത്രകളിലും ഇവരെ പതിവായി ഒന്നിച്ച് കാണാറുണ്ട്. ഇരുവരും ഒരുമിച്ചുള്ള ചിത്രങ്ങൾ സോഷ്യൽ മീഡിയയിൽ വൈറലാണ്. ഇതിനിടെ നടി രശ്മിക തന്റെ ഇൻസ്റ്റഗ്രാം പേജിൽ ഇട്ട പോസ്റ്റ് ഇപ്പോൾ വൈറലായിരിക്കുകയാണ്.

'എന്റെ ജീവിതത്തിലേക്ക് വന്നതിന് നന്ദി'- എന്നാണ് രശ്മിക കുറിച്ചിരിക്കുന്നത്. സന്ദേശം കണ്ട നിരവധി നെറ്റിസൺമാരാണ് ഈ പോസ്റ്റ് വിജയ് ദേവരകൊണ്ടയ്ക്ക് വേണ്ടിയുള്ളതാണെന്ന് കമന്റ് ചെയ്തിരിക്കുന്നത്.

'കിരിക്ക് പാർട്ടി' എന്ന കന്നഡ ചിത്രത്തിലൂടെ സിനിമാലോകത്തേക്ക് കടന്ന രശ്മിക, സാൻവി ജോസഫിന്റെ റോളിലെത്തി യുവാക്കളുടെ ഹൃദയം കവർന്നിരുന്നു. പിന്നീട് 'ചലോ' എന്ന ചിത്രത്തിലൂടെ തെലുങ്കിലേക്ക് ചുവടുവെച്ച നടി തുടർച്ചയായി സൂപ്പർ ഹിറ്റ് സിനിമകൾ നൽകി. തെലുങ്കിൽ അല്ലു അർജുന്റെ പുഷ്പയുടെ രണ്ടാംഭാഗത്തിന്റെ തിരക്കിലാണ് രശ്മിക ഇപ്പോൾ.

ടോളിവുഡ്, കോളിവുഡ്, ബോളിവുഡ് സിനിമകളിൽ ഒരേപോലെ തിളങ്ങിനിൽക്കുന്ന താരത്തിന് ഇപ്പോൾ കൈനിറയെ സിനിമകളുണ്ട്. രശ്മിക അഭിനയിച്ച പുഷ്പ 2: ദി റൂൾ ഡിസംബറിൽ തിയേറ്ററുകളിലെത്തും.

വിജയ് ദേവരക്കൊണ്ടയുമായുള്ള വിവാഹ നിശ്ചയത്തിന്റെയും വിവാഹത്തിന്റെയും വാർത്തകൾ പലതവണ സമൂഹമാധ്യമങ്ങളിൽ പ്രചരിച്ചിരുന്നു.. മാലിദ്വീപിൽ ഇരുവരും ഒന്നിച്ച് അവധിക്കാലം ചെലവവഴിച്ചുവെന്നും ഉടൻ വിവാഹിതരാകുമെന്നും റിപ്പോർട്ടുകൾ പുറത്തുവന്നിരുന്നു, (ಫೋಟೋ: Instagram)

ഹിന്ദുസ്ഥാൻ ടൈംസിന്റെ റിപ്പോർട്ട് അനുസരിച്ച്, വിജയും രശ്മികയും തങ്ങളുടെ ബന്ധത്തെക്കുറിച്ച് തുറന്നുപറയാൻ ആഗ്രഹിക്കുന്നില്ല. രണ്ട് സെലിബ്രിറ്റികളും തങ്ങളുടെ പ്രണയം പരസ്യമാക്കാൻ ആഗ്രഹിക്കുന്നില്ലെന്ന് റിപ്പോർട്ട് പറയുന്നു.