Animal| അളിയന്റെ 800 കോടിയുടെ കൊട്ടാരം സിനിമാ ലൊക്കേഷനായി; ആനിമലിൽ റൺബീർ കപൂറിന്റെ ബംഗ്ലാവിനെ കുറിച്ച്

റൺബീർ കപൂർ നായകനായ സന്ദീപ് റെഡ്ഡി വംഗ ചിത്രം വിവാദങ്ങൾക്കിടയിലും റെക്കോർഡുകൾ ഭേദിച്ച് തിയേറ്ററുകളിൽ പ്രദർശനം തുടരുകയാണ്. ചിത്രത്തിലെ സ്ത്രീവിരുദ്ധതയും ഡയലോഗുകളും സിനിമയുടെ ഉള്ളടക്കവുമെല്ലാം വിമർശനങ്ങൾ നേരിടുന്നത്.

സന്ദീപ് റെഡ്ഡി വംഗയുടെ മുൻ ചിത്രമായ അർജുൻ റെഡ്ഡി, കബീർ സിംഗ് എന്നീ ചിത്രങ്ങളും സ്ത്രീവിരുദ്ധതയുടെ പേരിൽ സമാനമായ വിമർശനങ്ങൾ നേരിട്ടിട്ടുണ്ട്. ഇതിനെല്ലാമിടയിലും അനിമൽ തിയേറ്ററുകളിൽ വൻ കളക്ഷനാണ് നേരിടുന്നത്.

ചിത്രത്തിന്റെ അണിയറ വിശേഷങ്ങളും സോഷ്യൽമീഡിയയിൽ ചർച്ചയാണ്. സിനിമയിൽ റൺബീർ കപൂറിന്റെ ബംഗ്ലാവായി ചിത്രീകരിച്ചിരിക്കുന്ന വസതിയെ കുറിച്ചാണ് ഒരു ചർച്ച.

ബോളിവുഡ് നടൻ സെയ്ഫ് അലി ഖാന്റെ ബംഗ്ലാവാണ് റൺബീർ കപൂറിന്റെ വീടായി ചിത്രത്തിൽ അവതരിപ്പിച്ചിരിക്കുന്നത്. സെയ്ഫിന് പാരമ്പര്യമായി കിട്ടിയ പട്ടൗഡി കൊട്ടാരത്തിലാണ് ആനിമലിന്റെ പ്രധാന രംഗങ്ങളെല്ലാം ചിത്രീകരിച്ചിരിക്കുന്നത്.

റൺബീർ കപൂറിന്റെ സഹോദരി കരീന കപൂറിന്റെ ഭർത്താവ് കൂടിയാണ് സെയ്ഫ്. ഏകദേശം 800 കോടിയാണ് സെയ്ഫ് അലി ഖാന്റെ ഉടമസ്ഥതയിലുള്ള പട്ടൗഡി പാലസിന്റെ വില.

1930 കളിൽ ഹരിയാനയിലെ ഗുഡ്ഗാവ് ജില്ലയിലുള്ള ( ഇപ്പോൾ ഗുരുഗ്രാം ജില്ല) പട്ടൗഡി പട്ടണത്തിലെ നവാബായിരുന്ന ഇഫ്തികാർ അലി ഖാൻ പട്ടൗഡിയാണ് കൊട്ടാരം നിർമിച്ചത്. സെയ്ഫ് അലി ഖാന്റെ മുത്തശ്ശനാണ് ഇഫ്തികാർ അലി ഖാൻ.

[caption id="attachment_642179" align="alignnone" width="750"] ഇഫ്തികാർ അലി ഖാനിൽ നിന്ന് അദ്ദേഹത്തിന്റെ മകൻ മൻസൂർ അലി ഖാനിലേക്ക് കൊട്ടാരം കൈമാറി.</dd> <dd>[/caption]

മൻസൂർ അലി ഖാന്റെ മരണശേഷം ഹോട്ടൽ ശൃംഖല ലീസിന് എടുത്ത കൊട്ടാരം പിന്നീട് അദ്ദേഹത്തിന്റെ മകൻ സെയ്ഫ് അലി ഖാൻ തിരിച്ചുപിടിക്കുകയായിരുന്നു.