വിവാഹമോചനത്തിനു ശേഷം സാനിയ മിർസയുടെ ആദ്യ പ്രതികരണം; ആഘോഷമാക്കി ആരാധകര്‍

മുൻ ഇന്ത്യൻ ടെന്നീസ് താരം സാനിയ മിർസയുമായുള്ള വേർപിരിയൽ അഭ്യൂഹങ്ങൾക്കിടയിലാണ് പാകിസ്ഥാൻ ക്രിക്കറ്റ് താരം ഷൊയ്ബ് മാലിക് (Shoaib Malik)വിവാഹതിനായി എന്ന വാർത്ത പുറത്ത് വരുന്നത്.

പ്രശസ്ത പാക് അഭിനേത്രി സന ജാവേദ് ആണ് (Sana Javed)വധു. വിവാഹ ചടങ്ങിന്റെ ഫോട്ടോകൾ ഷോയിബ് മാലിക് സോഷ്യൽ മീഡിയയിൽ പങ്കുവെച്ചതോടെയാണ് വിവാഹ വാര്‍ത്ത പുറം ലോകം അറിയുന്നത്.

എന്നാൽ ഇതിനു പിന്നാലെ വലിയ രീതിയിലുള്ള പിന്തുണയാണ് കായിക പ്രേമികളുടെ ഭാഗത്ത് നിന്നുണ്ടാകുന്നത്. ഇതിനിടെയിൽ താരം സോഷ്യൽ മീഡിയയിൽ പങ്കുവച്ച പോസ്റ്റാണ് വൈറലാകുന്നത്.

റിഫ്ലക്ട് (Reflect) എന്ന തലക്കെട്ടോടെ തന്‍റെ ചിത്രം ഇന്‍സ്റ്റഗ്രാമില്‍ പോസ്റ്റ് ചെയ്യുകയായിരുന്നു സാനിയ മിര്‍സ. ഒരു കണ്ണാടിയില്‍ മുഖം നോക്കുന്ന ഈ ചിത്രമാണ് സാനിയ ഇൻസ്റ്റാഗ്രാമിൽ പങ്കുവച്ചത്. ഈ ചിത്രത്തിനു താഴെ നിരവധി ആരാധകരാണ് പിന്തുണയുമായി രംഗത്തെത്തിയത്.

പോസ്റ്റ് ചെയ്തതിനു പിന്നാലെ സാനിയക്ക് ആശംസ പ്രവാഹമാണ് ആരാധകർ നൽകിയത്. ലൈക്കുകളു കമന്‍റുമായി നൂറുകണക്കിന് ആരാധകരാണ് എത്തിയത്.

2010ലാണ് ശുഐബും സാനിയയും തമ്മിലുള്ള വിവാഹം. 2022ലാണ് ഇരുവരും തമ്മിൽ അസ്വാരസ്യങ്ങളുണ്ടെന്നും വിവാഹമോചനത്തിന്‍റെ വക്കിലാണെന്നും അഭ്യൂഹങ്ങൾ വന്നത്. എന്നാൽ, ഇക്കാര്യം ഇരുവരും നിഷേധിച്ചിരുന്നു.