Sara Ali Khan | പിങ്ക് ഷോർട്ട് ഡ്രെസ്സിൽ ബാർബി ഡോളിനെപ്പോലെ സാറാ അലി ഖാൻ

സെയ്ഫ് അലിഖാന്റെ (Saif Ali Khan) മകളും നടിയുമായ സാറ അലിഖാന്( Sara Ali Khan) ആരാധകരേറെയാണ്. 2018 ലെ കേദാർനാഥ്, സിംബ എന്നീ ചിത്രങ്ങളിൽ നായികയായാണ് സാറ സിനിമയിലേക്ക് അരങ്ങേറ്റം കുറിച്ചത്.

രണ്ട് ചിത്രങ്ങളും വാണിജ്യപരമായി വിജയിക്കുകയും ആദ്യത്തേത് അവർക്ക് മികച്ച വനിതാ അരങ്ങേറ്റത്തിനുള്ള ഫിലിംഫെയർ അവാർഡ് നേടിക്കൊടുക്കുകയും ചെയ്തു.

ഇപ്പോൾ സാറ അലി ഖാന്റെ ഏറ്റവും പുത്തൻ ചിത്രങ്ങാണ് സമൂഹമാധ്യമങ്ങളിൽ വൈറലാകുന്നത്. പിങ്ക് ഷോർട്ട് ഡ്രെസ്സിൽ ബാർബി ഡോളിനെപ്പോലെയാണ് സാറാ അലി ഖാന്‍ എത്തിയത്.

സാറാ അലി ഖാൻ മാക് ദുഗ്ഗലിൽ നിന്നുള്ള സ്ട്രാപ്പ്ലെസ് ഓവർസൈസ് ബോ ഫിറ്റും ഫ്ലെയർ മിനി ഡ്രസ്സുമാണ് ധരിച്ചിരിക്കുന്നത്. ചിത്രങ്ങൾ പങ്കുവെച്ചപ്പോൾ തന്നെ ആരാധകർ കമൻ്റുകളുമായി രംഗത്തെത്തി. കോട്ടൺ ക്യാന്റി പോലെയാണ് സാറാ, എന്നൊരാൾ കമന്റു ചെയ്തു.

ബോളിവുഡിലെ യുവനടിമാരില്‍ മുന്‍നിരക്കാരിയാണ് സാറ അലി ഖാന്‍. അച്ഛന്‍ സെയ്ഫ് അലി ഖാന്റേയും അമ്മ അമൃത സിംഗിന്റേയും പാതയിലൂടെയാണ് സാറയും സിനിമയിലെത്തുന്നത്.

അച്ഛനും അമ്മയും മുത്തശ്ശിയുമെല്ലാം കയ്യൊപ്പ് പതിപ്പിച്ച മേഖലയില്‍ ഇന്ന് സ്വന്തമായൊരു ഇടം കണ്ടെത്താന്‍ സാറയ്ക്ക് സാധിച്ചിട്ടുണ്ട്.