ആട് അറിഞ്ഞില്ല; ആ വെള്ളം കുടിച്ചതേയുള്ളു; ഒരാഴ്ച മുഴുവൻ സെക്സ്

ലൈംഗിക ഉത്തേജക ഔഷധമെന്ന നിലയിൽ പ്രശസ്തമാണ് വയാഗ്ര. ഈ മരുന്ന് കലർന്ന വെള്ളം കുടിച്ചാൽ എന്തായിരിക്കും അവസ്ഥ? തെക്കൻ അയർലൻഡിലെ റിംഗാസ്കിഡി തുറമുഖത്ത് ടൺ കണക്കിന് വയാഗ്ര വെള്ളത്തിൽ കലർന്നു. ഈ വെള്ളം കുടിച്ച ആടുകൾ ഒരാഴ്ചയിലേറെയായി അനിയന്ത്രിതമായി ലൈംഗികബന്ധത്തിൽ ഏർപ്പെട്ടതായാണ് റിപ്പോർട്ട്. ഒരു ആഗോള മാധ്യമമാണ് ഇക്കാര്യം റിപ്പോർട്ട് ചെയ്തത്.

ആടുകൾ അസ്വാഭാവികമായ രീതിയിൽ പെരുമാറാൻ തുടങ്ങിയെങ്കിലും ആട്ടിടയൻമാർക്ക് സംഗതി മനസിലായില്ല. വൈകാതെ ആടുകൾ അമിതമായ ലൈംഗികാസക്തി കാട്ടാൻ തുടങ്ങി. പിന്നീട് നടത്തിയ അന്വേഷണത്തിലാണ് വയാഗ്ര ഉൽപാദന പ്ലാന്‍റിൽനിന്ന് ടൺ കണക്കിന് മരുന്ന് റിംഗാസ്കിഡി ഹാർബറിലെ വെള്ളത്തിൽ ഉപേക്ഷിച്ചതായി കണ്ടെത്തിയത്. 755 ടണ്ണിലധികം വയാഗ്രയാണ് ഇത്തരത്തിൽ ഉപേക്ഷിച്ചത്. ഈ വെള്ളം കുടിച്ചതാണ് ആടുകളിൽ അമിത ലൈംഗികാസക്തി ഉണ്ടാകാൻ കാരണമായത്. ആടുകളെ കൂടാതെ ഈ വെള്ളം കുടിച്ച ചില കന്നുകാലികളിലും ഇതേ പ്രശ്നമുണ്ടായി.

റിംഗാസ്കിഡിയിയിലെ വയാഗ്ര നിർമാതാക്കളായ ഫിസർ എന്ന കമ്പനിയുടെ പ്ലാന്‍റിൽനിന്നാണ് അമിതമായ അളവിൽ മരുന്ന് ഉപേക്ഷിച്ചത്. 80000 ആടുകളും നൂറുകണക്കിന് കന്നുകാലികളുമാണ് വയാഗ്ര കലർന്ന വെള്ളം കുടിച്ചത്. വയാഗ്ര വെള്ളം കുടിച്ച് പ്രശ്നത്തിലായ ആടുകളും കന്നുകാലികളും സാധാരണനിലയിലേക്ക് വരാൻ ഒരാഴ്ചയിലേറെ സമയമെടുക്കുമെന്നാണ് ഫിസർ കമ്പനിയിലെ വിദഗ്ധർ പറയുന്നത്. ഫിസർ വയാഗ്ര പ്ലാന്‍റിൽനിന്നുള്ള പുക ശ്വസിക്കുന്നത് സമീപത്ത് താമസിക്കുന്ന മനുഷ്യരിലും മൃഗങ്ങളിലും പലതരത്തിലുള്ള ആരോഗ്യപ്രശ്നങ്ങളുണ്ടാക്കുന്നുണ്ടെന്നും കമ്പനിയുടെ പ്രവർത്തനം നിർത്തിവെക്കണമെന്നും ആവശ്യപ്പെട്ട് നാട്ടുകാർ 2017ൽ കോടതിയെ സമീപിച്ചിരുന്നു.