Abhirami Suresh | 'മുറിവുകള്‍ ഭേദമായി തുടങ്ങി' മിക്സി പൊട്ടിത്തെറിച്ച് പരിക്കേറ്റ അഭിരാമി സുരേഷ്

വീട്ടിലെ മിക്സി പൊട്ടിത്തെറിച്ചുണ്ടായ അപകടത്തില്‍ വിരലുകള്‍ക്ക് പരിക്കേറ്റ് ചികിത്സയിലായിരുന്ന ഗായിക അഭിരാമി സുരേഷിന്‍റെ  (Abhirami Suresh ) ആരോഗ്യം ഭേദമാകുന്നു.

കൈയിലെ വിരലുകള്‍ക്ക് ഏറ്റ മുറിവുകള്‍ ഏറെക്കുറെ ഭേദമായെന്നും വളരെ കുറച്ച് മരുന്നുകള്‍ മാത്രമാണ് ഇപ്പോള്‍ കഴിക്കുന്നതെന്നും അഭിരാമി പറഞ്ഞു. 

നിരവധി പേര്‍ ഫോണിലൂടെയും മെസേജുകളിലൂടെയും തന്‍റെ സുഖവിവരം അന്വേഷിച്ചെത്തി. ഒട്ടും പ്രതീക്ഷിക്കാത്തവര്‍ പോലും വിളിച്ചു സംസാരിച്ചു. ഇപ്പോള്‍ വലിയ ആശ്വാസം തോന്നുന്നുവെന്നും അഭിരാമി പറഞ്ഞു. 

'എന്നെ സ്നേഹിക്കുന്നവരുടെ പ്രാര്‍ത്ഥനയും പിന്തുണയുമാണ് പരിക്കില്‍ നിന്ന് വേഗത്തില്‍ മുക്തിനേടാന്‍ സഹായിച്ചത്. എല്ലാവരോടുമുള്ള നന്ദിയും സ്നേഹവും അറിയിക്കുന്നു'- സോഷ്യല്‍ മീഡിയില്‍ പങ്കുവെച്ച വീഡിയോയില്‍ അഭിരാമി പറഞ്ഞു.

കൊച്ചിയില്‍ ഒരു കഫെ നടത്തുന്ന അഭിരാമി വീട്ടില്‍ നടത്തിയ പാചകപരീക്ഷണത്തിനിടെയാണ് മിക്സി പൊട്ടിത്തെറിച്ച് അപകടമുണ്ടായത്. 

അടുപ്പിൽ മൺചട്ടി വച്ച് തിളപ്പിച്ച ഭക്ഷണം മിക്സിയിലേക്ക് പകർന്നതോടെ ചൂടുകൂടി മിക്സി പൊട്ടിത്തെറിച്ച് ബ്ലേഡ് കൊണ്ട് വലുതുകൈയിലെ 5 വിരലുകള്‍ക്കും മുറിവേല്‍ക്കുകയായിരുന്നു.