50 കോടിയുടെ ഫ്ലാറ്റ്, 1.64 കോടിയുടെ ഔഡ‍ി കാർ, 2.17 കോടിയുടെ BMW കാർ; കെഎൽ രാഹുലിനും അതിയ ഷെട്ടിക്കും ലഭിച്ച വിവാഹ സമ്മാനങ്ങൾ

വിവാഹിതരായ ഇന്ത്യൻ ക്രിക്കറ്റ് ടീം താരം കെഎൽ രാഹുലിനും നടി അതിയ ഷെട്ടിക്കും കൈനിറയെ സമ്മാനങ്ങൾ നൽകി ബോളിവുഡ് താരങ്ങളും ക്രിക്കറ്റ് താരങ്ങളും.

ബോളിവുഡ് നടൻ സുനിൽ ഷെട്ടിയുടെ മകളാണ് അതിയ ഷെട്ടി. മകൾക്ക് മുംബൈയിൽ 50 കോടിയുടെ ഫ്ലാറ്റാണ് സുനിൽ ഷെട്ടി വിവാഹ സമ്മാനമായി നൽകിയത്.

താര വിവാഹത്തിനു ശേഷം നടന്ന വിരുന്നിൽ ബോളിവുഡിലേയും ക്രിക്കറ്റ് ലോകത്തേയും പ്രമുഖ താരങ്ങളെല്ലാം പങ്കെടുത്തിരുന്നു. ആഢംബര സമ്മാനങ്ങളാണ് നവദമ്പതികൾക്ക് താരങ്ങൾ നൽകിയത്.

ബോളിവുഡ് താരം സൽമാൻ ഖാൻ 1.64 കോടിയുടെ ഔഡി കാറാണ് സമ്മാനമായി നൽകിയത്. ജാക്കി ഷറോഫും വിവാഹ സത്കാരത്തിൽ പങ്കെടുത്തിരുന്നു. 30 ലക്ഷത്തിന്റെ സ്വിസ് ലക്ഷ്വറി വാച്ചായ ഷോപ്പാർഡ് ആണ് നൽകിയത്.

അതിയ ഷെട്ടിയുടെ അടുത്ത സുഹൃത്തായ ബോളിവുഡ് നടൻ അർജുൻ കപൂർ 1.5 കോടിയുടെ ഡയമണ്ട് ബ്രേസ്ലെറ്റാണ് കൂട്ടുകാരിയുടെ വിവാഹത്തിന് സമ്മാനിച്ചത്.

വിരാട് കോഹ്ലി ഒരു ബിഎംഡബ്ല്യൂ കാറാണ് സഹതാരത്തിന് സമ്മാനിച്ചത്. ഇതിന്റെ വില 2.17 കോടിയാണെന്നാണ് റിപ്പോർട്ടുകൾ.

മഹേന്ദ്ര സിംഗ് ധോണിയും വിവാഹ സത്കാരത്തിന് എത്തിയിരുന്നു. 80 ലക്ഷം രൂപ വില വരുന്ന കവസാക്കി നിഞ്ജ ബൈക്കാണ് നൽകിയത്.

ജനുവരി 23 നാണ് കെഎൽ രാഹുലും അതിയ ഷെട്ടിയും വിവാഹിതരായത്. സുനിൽ ഷെട്ടിയുടെ ഖണ്ടാലയിലെ ഫാം ഹൗസിൽ അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചടങ്ങിലായിരുന്നു വിവാഹം.

വിവാഹ ശേഷം മുംബൈയിൽ ഗംഭീര വിവാഹസത്കാരവും ഒരുക്കിയിരുന്നു. 3000 പേരെയാണ് വിരുന്നിലേക്ക് ക്ഷണിച്ചത്.