കേരളത്തിലെ കോളേജ് ഫെസ്റ്റിൽ ആദ്യം! എൻജിനീയറിങ് കോളജിൽ സണ്ണി ലിയോണി ലൈവ് ഷോ

കേരളത്തിൽ, പ്രത്യേകിച്ചും യുവാക്കൾക്കിടയിൽ, ഏറ്റവുമധികം ആരാധകരുള്ള നടിയാണ് സണ്ണി ലിയോണി (Sunny Leone). വർഷങ്ങൾക്ക് മുൻപ് സണ്ണി തിരുവനന്തപുരത്ത് കുടുംബസമേതം സന്ദർശകയായിരുന്നു. ഭർത്താവിനെയും മക്കളെയും കൊണ്ട് പൂവാറിലെ റിസോർട്ടിൽ സണ്ണി താമസമാക്കി. ഇവിടെ സണ്ണി ലിയോണിയെ ഒരുനോക്കു കാണാൻ അവരുടെ ആരാധകർ പഠിച്ച പണി പതിനെട്ടും പയറ്റിയ സംഭവങ്ങൾ വാർത്തയാവുകയും ചെയ്തിരുന്നു

വളരെ നാളുകൾക്ക് മുൻപ് കൊച്ചിയിൽ സണ്ണി വരും എന്ന് കരുതി ടിക്കറ്റ് എടുത്ത് കാത്തിരുന്ന് നിരാശരായവരെയും മറക്കാൻ പറ്റില്ലല്ലോ. ഇതാ സണ്ണി ആദ്യമായി ഒരു കോളേജ് പരിപാടിയിൽ പങ്കെടുക്കാൻ വരുന്നു. കേരളത്തിൽ ആദ്യമായാണ് സണ്ണി ഒരു എഞ്ചിനീയറിംഗ് കോളേജ് ഫെസ്റ്റിൽ അതിഥിയായി പങ്കെടുക്കുന്നത് (തുടർന്ന് വായിക്കുക)

ഇനി കഷ്‌ടിച്ച് ഒരുമാസം പോലും കാത്തിരിക്കേണ്ട, സണ്ണിയെ മലയാള മണ്ണിൽ കാണാൻ. ആ വരവ് വീണ്ടും കേരളത്തിന്റെ തലസ്ഥാനത്തേക്കാണ്. ജൂലൈ മാസത്തിലാണ് പരിപാടി

കാര്യവട്ടം എഞ്ചിനീയറിംഗ് കോളേജ് സംഘടിപ്പിക്കുന്ന RENVNZA എന്ന പരിപാടിയിലാണ് സണ്ണി ലിയോണി പങ്കെടുക്കുക. സണ്ണിയുടെ ലൈവ് ഷോ ഇവിടെ അരങ്ങേറും

മമ്മൂട്ടി നായകനായ 'മധുര രാജ' സിനിമയിലൂടെയാണ് സണ്ണിയുടെ മലയാള സിനിമാ പ്രവേശം. ഇതിലെ മോഹമുന്തിരി വാറ്റിയ രാവ്... എന്ന ചടുല ഗാനത്തിന് ചുവടുകൾ തീർത്ത് സണ്ണി ശ്രദ്ധേയയായി

അതിനു ശേഷം സണ്ണി കഥാപാത്രമായി എത്തുന്ന രണ്ടു സിനിമകളുടെ ചിത്രീകരണം നടന്നിരുന്നു. 'രംഗീല' എന്നാണ് ആദ്യ ചിത്രത്തിന് പേര്. നടൻ സലിം കുമാർ ഉൾപ്പെടുന്ന ശ്രദ്ധേയ താരങ്ങൾ ഈ സിനിമയിൽ സണ്ണി ലിയോണിയുടെ ഒപ്പം വേഷമിടുന്നുണ്ട്

ഇക്കഴിഞ്ഞ ഏപ്രിലിൽ സണ്ണി മറ്റൊരു മലയാള സിനിമയുടെ ഭാഗമായതിന്റെ വിശേഷവും ഇൻസ്റ്റഗ്രാമിൽ പോസ്റ്റ് ചെയ്തു. ഈ ചിത്രത്തിന്റെ പൂജാ വിശേഷങ്ങളാണ് സണ്ണി ലിയോണിയുടെ ഇൻസ്റ്റഗ്രാം പേജിൽ പ്രത്യക്ഷപ്പെട്ടത്