Supriya Menon | ഭൂമിയിലെ മനോഹര സ്വർഗം; സുപ്രിയ മേനോൻ ഇപ്പോൾ ഇവിടെയാണ്

ഒരുപാട് നാളുകൾക്ക് ശേഷം സിനിമയിൽ സജീവമാവുകയാണ് നടൻ പൃഥ്വിരാജ് (Prithviraj). വെല്ലുവിളികളും കടമ്പകളും താണ്ടുന്ന തിരക്കിലായിരുന്നു അതുവരെ പൃഥ്വിയും സുപ്രിയയും (Supriya Menon). യാത്രകൾ ഏറെ ഇഷ്‌ടപ്പെടുന്ന ദമ്പതികളാണ് അവർ. ആ യാത്രകളോട് നീണ്ടനാൾ നോ പറയേണ്ടി വന്നു അവർക്ക്. പരിക്ക് മാറി പൃഥ്വി സിനിമയിലെത്തിയതും, സുപ്രിയ യാത്രകൾ പുനഃരാരംഭിച്ചു

ഭൂമിയിലെ മനോഹര സ്വർഗം എന്ന് ആർക്കും പറയാൻ തോന്നുന്ന മനോഹരമായ സ്ഥലത്താണ് സുപ്രിയ മേനോൻ ഇപ്പോൾ. അതിന്റെ വിശേഷങ്ങൾ ഇൻസ്റ്റഗ്രാം സ്റ്റോറിയിൽ എത്തിക്കുന്നുമുണ്ട്. വീഡിയോ രൂപത്തിലാണ് സുപ്രിയയുടെ പോസ്റ്റ് (തുടർന്ന് വായിക്കുക)

ലോകത്തിന്റെ നെറുകയിലാണ്‌ സുപ്രിയ ഇവിടെ. ഖർദുങ് ലാ എന്ന ചുരത്തിലാണ് സുപ്രിയ ഈ ചിത്രത്തിൽ ഉള്ളത്. 17,982 അടി ഉയരത്തിലാണ് ഈ സ്ഥലമുള്ളത്. ലഡാക്കിലെ ലെയിലാണ് ഈ ചുരമുള്ളത്

ലഡാക് ടൂറിസത്തിന്റെ ഒഴിച്ചുകൂടാൻ കഴിയാത്ത ഭാഗമാണ് ഈ സ്ഥലം. ഇവിടം സന്ദർശിച്ചതിന്റെ വിശേഷങ്ങളാണ് സുപ്രിയയുടെ പോസ്റ്റിൽ. സംസ്‌കാർ, ഇൻഡസ് നദികളുടെ ഒത്തുചേരലാണിവിടം

സിനിമയുടെ തിരക്ക് മാറിയാൽ സുപ്രിയയെയും മകളെയും കൊണ്ട് ലോകത്തെ മനോഹര കാഴ്ചകൾ ആസ്വദിക്കാൻ ഇറങ്ങുന്നതാണ് നടൻ പൃഥ്വിരാജിന്റെ പ്രധാന വിനോദം. ഭാര്യയെയും മകളെയും കൂട്ടിയുള്ള ആ യാത്രകളുടെ വിശേഷങ്ങൾ സോഷ്യൽ മീഡിയയിലും എത്തിയിരുന്നു

സുപ്രിയയുടെ പിറന്നാളിനും അത്തരമൊരു യാത്ര പതിവാണ്. എന്നാൽ പൃഥ്വിരാജിന്റെ പരിക്ക് മൂലം ഇക്കുറി അതും നടന്നില്ല. ഏറെനാൾ വീട്ടിൽ തന്നെ സമയം ചിലവിടുകയായിരുന്നു അവർ

യാത്രകളോടാണ് ഇഷ്‌ടമെങ്കിലും, ഇക്കുറി പൃഥ്വിരാജ് ആഗ്രഹിച്ചത് അടുത്ത പിറന്നാളിന് വീണ്ടും സെറ്റിൽ എത്തണം എന്നായിരുന്നു. മനസുപോലെ തന്നെ പൃഥ്വിക്ക് അതിനു സാധിച്ചു എന്ന സന്തോഷമുണ്ട് സുപ്രിയക്ക്. എമ്പുരാൻ ലൊക്കേഷനിൽ സിനിമാ തിരക്കുകളിലാണ് പൃഥ്വി ഇപ്പോൾ

സിനിമകളിൽ നിന്നും മാറിനിൽക്കേണ്ടി വന്നുവെങ്കിലും, പൃഥ്വി ഓണം കളറാക്കി. അമ്മയ്ക്കും ചേട്ടൻ ഇന്ദ്രജിത്തിന്റേയും കുടുംബത്തോടൊപ്പമാണ് ഇക്കുറി പൃഥ്വിരാജും സുപ്രിയയും ഓണമാഘോഷിച്ചത്