വിവാഹിതയാകാനൊരുങ്ങി തമന്ന ഭാട്ടിയ; വരൻ വിജയ് വർമയോ എന്ന് ആരാധകർ

സിനിമാ ലോകത്ത് വീണ്ടുമൊരു വിവാഹത്തിന് ഒരുക്കങ്ങൾ ആരംഭിച്ചതായാണ് റിപ്പോർട്ടുകൾ. തെന്നിന്ത്യയിലും ബോളിവുഡിലും ഒരുപോലെ പ്രിയങ്കരിയായ തമന്ന ഭാട്ടിയയുടെ വിവാഹ വാർത്തയാണ് പുറത്തു വന്നിരിക്കുന്നത്.

നടൻ വിജയ് വർമയുമായി താരം പ്രണയത്തിലാണെന്ന വാർത്തകൾ നേരത്തേ മുതൽ പ്രചരിക്കുന്നുണ്ട്. ഈ വാർത്തകളോട് ഇരുവരും പ്രതികരിച്ചിട്ടില്ലെങ്കിലും താരങ്ങളെ ഒന്നിച്ച് പല വേദികളിലും കണ്ടതോടെ ആരാധാകരും ഉറപ്പിച്ചു, ഇത് പ്രണയം തന്നെയെന്ന്.

ഇപ്പോഴിതാ തമന്ന വിവാഹത്തെ കുറിച്ച് ആലോചിക്കുന്നുവെന്നാണ് വാർത്തകൾ. വിവാഹത്തെ കുറിച്ച് കുടുംബവുമായി സംസാരിച്ചുവെന്നും വിവാഹിതയാകാൻ താരം തീരുമാനിച്ചുവെന്നും വിവിധ റിപ്പോർട്ടുകളിൽ പറയുന്നു.

അടുത്ത ബന്ധുക്കളോടും സുഹൃത്തുക്കളോടും തമന്ന ഇക്കാര്യം സംസാരിച്ചു. വിവാഹം ഇനി വൈകിക്കേണ്ടതില്ലെന്നാണ് താരത്തിന്റെ തീരുമാനം.

അതേസമയം, വിജയ് വർമയെയാണോ തമന്ന വരനായി സ്വീകരിക്കുന്നത് എന്ന് വ്യക്തമല്ല. ഇരുവരും തമ്മിൽ പ്രണയത്തിലാണെന്നോ വിവാഹിതരാകുമെന്നോ സ്ഥിരീകരണവുമില്ല.

ബോളിവുഡിൽ ശ്രദ്ധേയമായ നിരവധി സിനിമകളിൽ അഭിനയിച്ച നടനാണ് വിജയ് വർമ. വിജയ് വർമയുമായി പ്രണയത്തിലാണോ എന്ന ചോദ്യത്തിന് ഇത്തരം വാർത്തകൾ വന്നുകൊണ്ടേയിരിക്കും താൻ അതിന് മറുപടി നൽകേണ്ട കാര്യം പോലുമില്ലെന്നായിരുന്നു തമന്നയുടെ പ്രതികരണം.