Tehseen Poonawalla | പ്രമുഖ വ്യവസായിയുടെ ഭാര്യയുമായി താൻ കിടക്ക പങ്കിട്ടു; റോബർട്ട് വാദ്രയുടെ അളിയൻ തെഹ്‌സീന്റെ വെളിപ്പെടുത്തൽ

കങ്കണ റണൗത്തിന്റെ (Kangana Ranaut) റിയാലിറ്റി ഷോയ 'ലോക് അപ്പ്' മത്സരാർത്ഥിയും രാഷ്ട്രീയ നിരീക്ഷകനുമായ തെഹ്‌സീൻ പൂനവല്ലയുടെ (Tehseen Poonawalla) ഞെട്ടിക്കുന്ന രഹസ്യം എങ്ങും ചർച്ചയാവുന്നു. ഒരിക്കൽ ഒരു പ്രമുഖ ഇന്ത്യൻ വ്യവസായി തന്റെ ഭാര്യയ്‌ക്കൊപ്പം ഉറങ്ങാൻ വാഗ്ദാനം ചെയ്തതായി തെഹ്‌സീൻ വെളിപ്പെടുത്തി. പ്രിയങ്ക ഗാന്ധിയുടെ ഭർത്താവ് റോബർട്ട് വാദ്രയുടെ അളിയനാണ് തെഹ്‌സീൻ. റോബെർട്ടിന്റെ കസിൻ മോണിക്ക വാദ്രയുടെ ഭർത്താവാണിദ്ദേഹം

ALT ബാലാജി ഇൻസ്റ്റഗ്രാമിൽ പങ്കിട്ട ഒരു പുതിയ ക്ലിപ്പിൽ, ആതിഥേയയായ കങ്കണ മത്സരാർത്ഥികളോട് സ്വയം രക്ഷിക്കാൻ അവസരമുണ്ടെന്ന് പറയുന്നത് കാണാം. 'സ്വയം രക്ഷിക്കാൻ നിങ്ങൾക്ക് അവസരമുണ്ട്, കങ്കണ പറഞ്ഞു. ആദ്യം ബസർ അടിക്കുന്ന തടവുകാരന് മാത്രമേ അവരുടെ രഹസ്യം വെളിപ്പെടുത്താൻ അവസരം ലഭിക്കൂ', കങ്കണ പറഞ്ഞു. ഇവിടെയാണ് ആ ഞെട്ടിക്കുന്ന രഹസ്യത്തിന്റെ വിശദാംശങ്ങളിലേക്ക് തെഹ്‌സീൻ കടന്നത് (തുടർന്ന് വായിക്കുക)

"ഇന്ത്യയിലെ ഒരു പ്രമുഖ വ്യവസായി എനിക്ക് അദ്ദേഹത്തിന്റെ ഭാര്യയ്‌ക്കൊപ്പം കിടക്കാമെന്ന് വാഗ്ദാനം ചെയ്തു." മറ്റ് മത്സരാർത്ഥികളുടെ ഞെട്ടിക്കുന്ന പ്രതികരണങ്ങളോടെയാണ് വീഡിയോ അവസാനിക്കുന്നത്. പിന്നീട് ഷോയിൽ നിന്ന് തെഹ്‌സീനെ പുറത്താക്കി. പൂനം പാണ്ഡെ, അഞ്ജലി അറോറ, കരൺവീർ ബൊഹ്‌റ, ശിവം ശർമ എന്നിവർക്കൊപ്പമാണ് തെഹ്‌സീൻ നോമിനേറ്റ് ചെയ്യപ്പെട്ടത്

ആദ്യം, പൂനം പാണ്ഡെയ്ക്ക് പൊതുജനങ്ങൾ ഏകകണ്ഠമായി വോട്ട് ചെയ്തുവെന്നും, പുറത്താക്കലിൽ നിന്ന് അവർ രക്ഷപ്പെട്ടുവെന്നും കങ്കണ വെളിപ്പെടുത്തി. കുറച്ച് നിമിഷങ്ങൾക്ക് ശേഷം, തെഹ്‌സീനാണ് ഏറ്റവും കുറഞ്ഞ വോട്ടുകൾ നേടിയതെന്ന് അവർ വെളിപ്പെടുത്തി. അങ്ങനെ, തെഹ്‌സീൻ പുറത്താക്കപ്പെട്ടു

നേരത്തെ, ആൾദൈവം സ്വാമി ചക്രപാണിയെ ലോക്ക് അപ്പിൽ നിന്ന് പുറത്താക്കിയിരുന്നു. തടങ്കൽ റിയാലിറ്റി ഷോയിൽ നിന്ന് പുറത്താക്കപ്പെടുന്ന ആദ്യ മത്സരാർത്ഥിയായിരുന്നു ഇദ്ദേഹം. 2022 ഫെബ്രുവരി 27-ന് ALTBalaji, MX Player എന്നിവയിൽ റിയാലിറ്റി ഷോ സ്ട്രീമിംഗ് ആരംഭിച്ചു. 13 വിവാദ സെലിബ്രിറ്റികൾക്കൊപ്പമാണ് ഇത് ആരംഭിച്ചത്

ഒരു ടാസ്ക് നിർവഹിക്കുന്നതിൽ പരാജയപ്പെട്ടതിനെ തുടർന്ന് സ്വാമി ചക്രപാണി പുറത്താവുകയായിരുന്നു. താഴെയുള്ള 3 മത്സരാർത്ഥികളായ ചക്രപാണി, സിദ്ധാർത്ഥ് ശർമ്മ, അഞ്ജലി അറോറ എന്നിവരോട് ബെനഖാബ് മുറിയിൽ നിന്ന് ഒരു രഹസ്യ വാക്ക് കൊണ്ടുവരാൻ അവതാരക ആവശ്യപ്പെട്ടു. ആരാണ് ആദ്യം ബസർ അമർത്തുന്നത്, അവർ എലിമിനേഷനിൽ നിന്ന് സുരക്ഷിതരായിരിക്കും

അഞ്ജലിക്ക് 'റഷ്യൻ' എന്ന വാക്ക് ലഭിച്ചു, അവർ ഉടൻ തന്നെ ബസർ അമർത്തി വിജയിച്ചു. ചക്രപാണി, സിദ്ധാർത്ഥ് എന്നിവർക്ക് യഥാക്രമം 'രാധേ'യും 'കായിക മികവും' ലഭിച്ചു. ചക്രപാണി പക്ഷേ, ബസർ അമർത്താൻ പോലും ശ്രമിച്ചില്ല, ഇത് അവതാരകയെ ചൊടിപ്പിച്ചു