സാനിയയുടെ ഇഫ്താർ വിരുന്നിൽ ഷോയ്ബ് ഇല്ലേ? എന്റെ ഹൃദയത്തിനൊപ്പമുള്ള ഇഫ്താര്‍ വിരുന്ന് എന്ന് ക്യാപ്‌ഷൻ

ഇന്ത്യയുടെ വനിതാ ടെന്നിസിന്റെ അഭിമാനമാണ് സാനിയ മിര്‍സ. ലോകമെമ്ബാടുമുള്ള കോടിക്കണക്കിന് ആരാധകരുണ്ട് സാനിയയ്ക്ക്.അവര്‍ തന്റെ വിശേഷങ്ങളെല്ലാം സാമൂഹ്യമാധ്യമത്തിലൂടെ ആരാധക്കരുമായി പങ്കുവയ്ക്കാറുണ്ട്. ഇപ്പോള്‍ സനിയ മകനൊപ്പം ഇഫ്താര്‍ വിരുന്നില്‍ പങ്കെടുക്കുന്ന ദൃശ്യങ്ങളാണ് ഇന്‍സ്റ്റഗ്രാമില്‍ പങ്കുവച്ചിരിക്കുന്നത്.

" എന്റെ ഹൃദയവുമൊത്തുള്ള ഇഫ്താര്‍ വിരുന്ന്" എന്നാണ് സാനിയ ഈ ചിത്രത്തിനൊപ്പം കുറിച്ചിരിക്കുന്നത്. ഇത് ആദ്യമായല്ല കഴിക്കുന്ന ഭക്ഷണവിഭവങ്ങള്‍ ഇന്‍സ്റ്റഗ്രാം ഫാമിലിക്ക് മുന്‍പില്‍ സാനിയ വെളിപ്പെടുത്തുന്നത്.

സാന്‍വിച്ചുകള്‍, വിവിധതരത്തിലുള്ള പഴ ചാറുകള്‍, യോഗര്‍ട്ട്, ധോക്ല തുടങ്ങി വിഭവസമൃദ്ധമായ ഒരു വിരുന്നാണ് സാനിയ മകന്‍ ഇസാനുവേണ്ടി ഒരുക്കിയത്. തുടര്‍ന്ന് എങ്ങനെ പ്രാര്‍ത്ഥിക്കണം എന്നു മകനെ പഠിപ്പിക്കുന്ന സാനിയേയും ദൃശ്യത്തില്‍ കാണാം.

സാനിയയുടെ ഇഫ്താർ വിരുന്നിൽ ഭർത്താവ് ഷോയ്ബ് ഉണ്ടായിരുന്നില്ല. ഇത് ആരാധകർ എല്ലാവരും ശ്രദ്ധിക്കുകയും തിരക്കുകയും ചെയ്തു.

ഇതിനു മുൻപ് ടെന്നിസ് മൈതാനങ്ങളോട് വിടപറഞ്ഞതിന് പിന്നാലെ ഉംറ നിർവഹിക്കാന്‍ കുടുംബസമേതം സൗദി അറേബ്യയിലെത്തിയിരുന്നു താരം. സമൂഹ മാധ്യമങ്ങളിലൂടെ താരം തന്നെയാണ് ചിത്രങ്ങൾ പുറത്തുവിട്ടത്. (Photo: Sania Mirza/ Facebook)