കാളിദാസ് ജയറാമിന്റെ വിവാഹ വിരുന്നിൽ ഉർവശി, ശോഭന, സുചിത്ര മോഹൻലാൽ, ജാക്കി ഷ്‌റോഫ്

കേരളത്തിൽ ഗുരുവായൂർ അമ്പലനടയിൽ വളരെ ലളിതമായി നടത്തിയ താലികെട്ട് ചടങ്ങിനു ശേഷം ചെന്നൈയിൽ ഗംഭീര വിരുന്നുമായി കാളിദാസ് ജയറാമിന്റെ (Kalidas Jayaram) വിവാഹ ആഘോഷങ്ങൾ പൊടിപൊടിക്കുകയാണ്. ജയറാമിന്റെ ജന്മദിനവും മകന്റെ സംഗീത് ആഘോഷങ്ങളും കഴിഞ്ഞദിവസം അതിനേക്കാൾ വലിയ രീതിയിൽ അരങ്ങേറി. മലയാളത്തിലെയും തമിഴകത്തെയും ബോളിവുഡിലെയും താരങ്ങളുടെ നിറസാന്നിധ്യം കൊണ്ട് സമ്പന്നമായിരുന്നു ഈ ചടങ്ങ്. മലയാളത്തിൽ നിന്നും നടി ഉർവശി ഭർത്താവ് ശിവപ്രസാദിനും മകൻ ഇഷാൻ പ്രജാപതിക്കും ഒപ്പം എത്തിച്ചേർന്ന ദൃശ്യങ്ങൾ സോഷ്യൽ മീഡിയയിൽ വൈറലാണ്. തമിഴ്നാട് മുഖ്യമന്ത്രി എം.കെ. സ്റ്റാലിൻ തലേദിവസത്തെ പരിപാടിയിൽ പങ്കെടുത്തു എങ്കിൽ, പിറ്റേ ദിവസത്തെ പരിപാടിയിൽ മകൻ ഉദയനിധി സ്റ്റാലിനും കുടുംബവും കാളിദാസിനെയും താരിണിയെയും (Tarini Kalingarayar) ആശീർവദിക്കാൻ എത്തിച്ചേർന്നു

ചെന്നൈയിൽ താമസമാക്കിയ താരങ്ങളാണ് കൂടുതലും എത്തിച്ചേർന്നത്. മുതിർന്ന നടൻ മണിരത്നവും ഭാര്യ സുഹാസിനിയും വിരുന്നിൽ പങ്കെടുത്ത അതിഥികളിൽ ഉൾപ്പെടുന്നു. മണിരത്നത്തിന്റെ ഏറ്റവും പുതിയ ചിത്രമായ പൊന്നിയിൻ സെൽവനിൽ ജയറാം ഒരു സുപ്രധാന വേഷം കൈകാര്യം ചെയ്തിരുന്നു. മലയാള സിനിമയിലെ മുൻകാല നായിക നടി കൂടിയാണ് സുഹാസിനി. ഇപ്പോഴും സിനിമയിൽ സജീവമാണ്. നടി ശോഭനയും ബോളിവുഡ് നടൻ ജാക്കി ഷ്‌റോഫും ആണ് പങ്കെടുത്ത മറ്റു രണ്ടു താരങ്ങൾ. വിവാഹ ചടങ്ങിൽ ശോഭനയെ കണ്ടതും ജാക്കി ഷ്‌റോഫ് ഓടിയെത്തി കുശലാന്വേഷണം നടത്തുന്ന ദൃശ്യങ്ങൾ വൈറലാണ് (തുടർന്ന് വായിക്കുക)

നടി പൂർണിമ ജയറാം ഭർത്താവ് ഭാഗ്യരാജിന്റെ ഒപ്പം വിവാഹ സൽക്കാരത്തിൽ പങ്കെടുത്തു. ചടങ്ങിലേക്ക് ഓടിയെത്തി തന്റെ സാന്നിധ്യമറിയിച്ച മറ്റൊരു തമിഴ് ചലച്ചിത്ര താരം നടൻ കാർത്തി ആണ്. മലയാളത്തിലേക്കാളേറെ തമിഴിൽ സജീവമായി അഭിനയിക്കുന്ന നടനാണ് കാളിദാസ് ജയറാം എന്നതിനാൽ തമിഴകത്ത് നിന്നും നിരവധി താരങ്ങൾ വിവാഹത്തിൽ പങ്കുചേർന്നു

പ്രധാനമായും ചെന്നൈയിൽ താമസമാക്കിയ നടനാണ് മോഹൻലാൽ. ബറോസ് എന്ന ആദ്യ സംവിധാന ചിത്രത്തിന്റെ തിരക്കുകളിലാകും താരം ഇപ്പോൾ. ആയതിനാൽ മോഹൻലാൽ കുടുംബത്തെ പ്രതിനിധീകരിച്ച് ഭാര്യ സുചിത്ര മോഹൻലാൽ വിവാഹ സൽക്കാരത്തിൽ വന്നുചേർന്നു. മകൻ പ്രണവ് പൊതുവെ സിനിമ കഴിഞ്ഞാൽ നാട്ടിൽ നിൽക്കുന്ന സ്വഭാവക്കാരാണ് അല്ലാത്തതിനാൽ, വിവാഹ സൽക്കാരത്തിൽ എവിടെയും പ്രണവിനെയും കണ്ടില്ല. മകൾ വിസ്മയ മോഹൻലാലും വിദേശത്താണ്

തമിഴ് നടൻ അശ്വിൻ കുമാറും കാളിദാസ് ജയറാമിന്റെയും താരിണിയെയും കാണാൻ എത്തിച്ചേർന്നു. 'ഹാപ്പി മാരീഡ് ലൈഫ് പുതുമാപ്പിളൈ' എന്നാണ് അശ്വിൻകുമാർ ഇൻസ്റ്റഗ്രാമിൽ പോസ്റ്റ് ചെയ്ത ചിത്രത്തിനൊപ്പം കുറിച്ച വാക്കുകൾ. അശ്വിന്റെ ഒപ്പം വധൂവരന്മാർക്കൊപ്പം ജയറാം, പാർവതി, മകൾ മാളവിക, മാളവികയുടെ ഭർത്താവു നവനീത്, താരിണിയുടെ അച്ഛനമ്മമാർ എന്നിവരും ചേർന്ന് ഫോട്ടോയ്ക്ക് പോസ് ചെയ്തു

നടി ഷീലയും നടൻ പ്രഭുവുമാണ് കാളിദാസ് ജയറാമിന്റെയും വധുവിനെയും അനുഗ്രഹിക്കാൻ വന്നുചേർന്ന മറ്റു പ്രധാന താരങ്ങൾ. ജയറാമിനൊപ്പം ഇരുവരും അഭിനയിച്ചിട്ടുണ്ട്. ഷീലയുടെ മലയാളത്തിലേക്കുള്ള മടങ്ങിവരവ് ചിത്രത്തിൽ ജയറാമായിരുന്നു നായകൻ. സത്യൻ അന്തിക്കാട് സംവിധാനം ചെയ്ത 'മനസ്സിനക്കരെ'യിലൂടെ നടി നയൻ‌താരയും സിനിമാ ലോകത്തേക്ക് പ്രവേശിച്ചിരുന്നു. ജയറാമുമായി ഏറെ അടുപ്പം സൂക്ഷിക്കുന്ന നടനാണ് പ്രഭു. ഇവർ വേഷമിട്ട മലയാളി മാമന് വണക്കം എന്ന സിനിമ ഒരുകാലത്തെ ഹിറ്റ് ചിത്രമായിരുന്നു. ചെന്നൈയിൽ സ്ഥിരതാമസമാക്കിയ താരിണി മോഡലിംഗ് മേഖലയിൽ പഠനകാലം മുതൽ സജീവമാണ്