വരലക്ഷ്മിയുടെ വിവാ​ഹാഘോഷങ്ങൾക്ക് തുടക്കമായി; മെഹന്തി ചിത്രങ്ങള്‍ വൈറലാവുന്നു

പ്രശസ്ത തമിഴ് ചലച്ചിത്രതാരം വരലക്ഷ്മി ശരത്കുമാറിന്റെ വിവാഹ ആഘോഷങ്ങൾക്ക് തുടക്കമായി. നിക്കോളായ് സച്ച്ദേവാണ് വരലക്ഷ്മിയുടെ വരൻ. ഇതിൻരെ ഭാഗമായി താരത്തിന്റെ മെഹന്ദി ചടങ്ങുകള്‍ കഴിഞ്ഞ ദിവസമായിരുന്നു. ഇതിന്റെ ചിത്രങ്ങളും വീഡിയോകളുമാണ് സോഷ്യൽ മീഡിയയുടെ മനം കവരുന്നത്.

രാധിക ശരത്കുമാറിന്റെ മകൾ റയാനെ മിഥുനാണ് ചിത്രങ്ങൾ പങ്കുവച്ചിരിക്കുന്നത്. ബന്ധുക്കളുടെയും സുഹൃത്തുക്കളുടെയും എല്ലാം നടുവില്‍ ഫുള്‍ ഹാപ്പി വൈബില്‍ നില്‍ക്കുന്ന ചിത്രങ്ങളാണ് കുടുംബ സുഹൃത്തുക്കളുടെയെല്ലാം സോഷ്യല്‍ മീഡിയ പേജുകളിലൂടെ പുറത്ത് വന്നത്.

ജൂലൈ 2 ന് നടക്കാനിരിക്കുന്ന വിവാഹത്തിന് അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുക്കുന്നത് . ചെന്നൈയിൽ‌ വിവാഹ വിരുന്ന് ഒരുക്കിയിട്ടുണ്ടെന്നാണ് പുറത്തുവരുന്ന വിവരം.

ഈ വർഷം മാർച്ചിലായിരുന്നു വരലക്ഷ്മിയുടെയും നിക്കോളായിയുടെയും വിവാഹനിശ്ചയം. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹനിശ്ചയ ചടങ്ങിൽ പങ്കെടുത്തത്. വിവാഹ നിശ്ചയ ചിത്രം പുറത്തുവന്നതിനു പിന്നാലെ നിരവധി വിമർശനങ്ങളാണ് താരത്തിനു നേരിടേണ്ടി വന്നത്.

സച്ച്‌ദേവ് നേരത്തെ വിവാഹിതനാണെന്നും, അഞ്ച് വയസ്സുള്ള കുട്ടിയുണ്ട് എന്നും പറഞ്ഞുള്ള വാര്‍ത്തകളെ അംഗീകരിച്ച് വരലക്ഷ്മി രംഗത്തെത്തിയതും വാര്‍ത്തയായിരുന്നു. അതെല്ലാം കഴിഞ്ഞ ജീവിതമാണ്, ഇത് ഞങ്ങളുടെ പുതിയ തുടക്കം എന്നാണ് വരലക്ഷ്മി പറഞ്ഞത്.