ഇതാണ് സത്യം; കത്രീന ഗർഭിണിയാണോ, പ്രസവിച്ചോ ഇല്ലയോ? ചോദ്യത്തിന് മറുപടിയുമായി വിക്കി കൗശൽ

ഏറെ ആരാധകരുള്ള ബോളിവുഡ് താരദമ്പതികളാണ് നടൻ വിക്കി കൗശലും (Vicky Kaushal) ഭാര്യ കത്രീന കൈഫും (Katrina Kaif). കുറച്ചേറെ കാലമായി വിക്കിയും കത്രീനയും അവരുടെ ആദ്യത്തെ കുഞ്ഞിനായി കാത്തിരിക്കുന്നു എന്ന തരത്തിൽ റിപോർട്ടുകൾ പ്രചരിക്കാൻ ആരംഭിച്ചിട്ട്. വിക്കിയും കത്രീനയും ലണ്ടൻ സന്ദർശനത്തിനായി പോയതും, അവിടെ വച്ചാകും പ്രസവം എന്നും ബോളിവുഡ് മാധ്യമങ്ങൾ പ്രവചിച്ചു

അനന്ത് അംബാനിയുടെ വിവാഹത്തിന് ചുവപ്പു നിറത്തിലെ സാരി ചുറ്റി കത്രീന, വിക്കിയുടെ കൈപിടിച്ചു ക്യാമറകൾക്ക് മുന്നിൽ പോസ് ചെയ്തിരുന്നു. അതിനു മുൻപൊരു ദിവസം എയർപോർട്ടിൽ അയഞ്ഞ വസ്ത്രം ധരിച്ച കത്രീന വീണ്ടും ആ അഭ്യൂഹങ്ങൾക്ക് പാത്രമായി. ഒടുവിൽ ഭർത്താവു വിക്കി തന്നെ ആ സത്യം മാധ്യമങ്ങൾക്ക് മുന്നിൽ തുറന്നു പറഞ്ഞു (തുടർന്ന് വായിക്കുക)

വിക്കി കൗശൽ, ത്രിപ്തി ദിമ്രി, അമ്മി വിർക് തുടങ്ങിയവർ നായികാ നായകന്മാരായ 'ബാഡ് ന്യൂസ്' എന്ന ചിത്രം ഈ വാരം പുറത്തിറങ്ങുന്നുണ്ട്. ഈ സിനിമയുടെ പ്രചരണാർത്ഥം മാധ്യമങ്ങളോട് സംസാരിക്കവെയാണ് തങ്ങൾക്ക് ഗുഡ്ഡ് ന്യൂസ് ഉണ്ടോ എന്ന കാര്യം വിക്കി വ്യക്തമാക്കിയത്

മെറി ക്രിസ്മസിലാണ് കത്രീനയെ ഏറ്റവും അവസാനമായി കണ്ടത്. ഈ വർഷം ആദ്യം പുറത്തിറങ്ങിയ ചിത്രത്തിൽ വിജയ് സേതുപതിയ്‌ക്കൊപ്പം അവർ സ്‌ക്രീൻ പങ്കിട്ടു. കത്രീനയുടെ പ്രകടനം എല്ലാവർക്കും ഇഷ്‌ടപ്പെടുകയും ചെയ്തു. ആലിയ ഭട്ട്, പ്രിയങ്ക ചോപ്ര എന്നിവർക്കൊപ്പം കത്രീന ഇപ്പോൾ 'ജീ ലെ സാറ' എന്ന ചിത്രത്തിനായി ഒപ്പുവച്ചിട്ടുണ്ട്

സന്തോഷ വാർത്തയെ സംബന്ധിച്ചിടത്തോളം, അത് നിങ്ങളുമായി പങ്കിടുന്നതിൽ ഞങ്ങൾക്കും സന്തോഷമുണ്ട്, എന്നാൽ ഇപ്പോൾ പ്രചരിക്കുന്ന ഊഹാപോഹങ്ങളിൽ സത്യമില്ല

'അതുവരെ സിനിമ ആസ്വദിക്കൂ. ഞങ്ങൾ സന്തോഷവാർത്തയുമായി തയ്യാറാകുമ്പോൾ, ഞങ്ങൾ തീർച്ചയായും നിങ്ങളുമായി പങ്കിടും,' വിക്കി വാർത്താ സമ്മേളനത്തിൽ പറഞ്ഞതായി ഇന്ത്യൻ എക്സ്പ്രസ് റിപ്പോർട്ട് ചെയ്തു

മുൻപ് കത്രീന ഗർഭിണിയല്ല എന്ന് അവരുടെ പി.ആർ. ടീം വ്യക്തമാക്കിയിരുന്നു