പ്രെഗ്നൻസി ടെസ്റ്റ് ഫലം പോസ്റ്റ് ചെയ്ത് നിത്യ മേനോനും പാർവതിയും; ആശംസ നേർന്ന് ആരാധകർ, വാസ്തവമെന്ത്?

കുറച്ചു മണിക്കൂറുകൾ മുൻപ് നടിമാരായ പാർവതി തിരുവോത്ത് (Parvathy Thiruvothu), നിത്യ മേനോൻ (Nithya Menon) എന്നിവരുടെ സോഷ്യൽ മീഡിയ പേജുകൾ കണ്ട ആരാധകർ തെല്ലൊന്നു അമ്പരന്നു. ഇരുവരും പോസിറ്റീവ് ആയ പ്രെഗ്നൻസി ഫലം പോസ്റ്റ് ചെയ്തിരിക്കുന്നു. വൈകാതെ തന്നെ ആരാധകർ ഇതിനു താഴെ ആശംസ അർപ്പിച്ചു കൊണ്ട് രംഗത്തെത്തി. ഗർഭിണിയുടെ ഇമോജി ക്യാപ്‌ഷനിലും ഉണ്ട്

'അത്ഭുതം തുടങ്ങുകയായി എന്ന്' ക്യാപ്‌ഷനിലെ ചുരുങ്ങിയ വാക്കുകൾ. ഇരുവരും വിവാഹം ചെയ്ത വിവരമോ, കുടുംബജീവിതം തുടങ്ങിയ വിവരമോ ഇതുവരെ പുറത്തുവരാത്തതിനാൽ ചിലർ കാര്യം എന്തെന്ന് മനസ്സിലാവാതെ കുഴങ്ങിയിട്ടുമുണ്ട് എന്ന് കമന്റ് സെക്ഷൻ കണ്ടാൽ മനസ്സിലാവും (തുടർന്ന് വായിക്കുക)

സംഗതി ഇവരുടെ ജീവിതത്തിൽ സംഭവിച്ചതോ അതോ മറ്റെന്തെങ്കിലുമോ? ഇന്ത്യ ടുഡേ റിപ്പോർട്ട് പ്രകാരം ഇതിനു ഉത്തരം കണ്ടെത്തിയിട്ടുണ്ട്

സംഗതി ഇവരുടെ വരാൻ പോകുന്ന ഒരു ചിത്രമാണ്. ഇതേക്കുറിച്ച് ഇത്തരമൊരു ആകാംക്ഷയല്ലാതെ മറ്റൊന്നും വെളിപ്പെടുത്തിയിട്ടില്ല. കൂടുതൽ വിവരങ്ങൾ വരും ദിവസങ്ങളിൽ ഉണ്ടാവാനാണ് സാധ്യത

നടിമാരുടെ കൂട്ടത്തിൽ ഇവർ രണ്ടുപേരുമാണെങ്കിൽ, ഗായിക സയനോറയും ഇതേ പോസ്റ്റ് ഇട്ടിട്ടുണ്ട്. സയനോറയും ഭാഗമായ സിനിമയാണോ എന്ന് മാത്രമേ ഇനി അറിയേണ്ടതുള്ളൂ

ഒരുപിടി സ്ത്രീപക്ഷ സിനിമകളിൽ വേഷമിട്ട നിത്യയും പാർവതിയും ഒന്നിക്കുന്ന ഒരു പ്രോജക്ടിൽ എന്ത് വിഷയമാകും കൈകാര്യം ചെയ്യുക എന്ന ആകാംക്ഷയാണ് ഇനി ഉണ്ടാവുക