ടിക്കറ്റ് ഒന്നിന് 66.6 ലക്ഷം രൂപ ചിലവിടാൻ മടിയില്ലാതെ നമ്മുടെ അഭിനേതാക്കൾ പോകുന്ന ഇടം; ലോകപ്രശസ്ത വേദിയിലെ താരങ്ങൾ

ഒരു സിനിമാ ടിക്കറ്റിന് 200 രൂപ എന്ന് കേട്ടാൽ 'അമ്പോ ഇതെന്തൊരു വില!' എന്ന് തലയിൽ കൈവച്ച് വിളിക്കുന്നവർ നമ്മുടെ ഇടയിലുണ്ടാകും. ഈ ടിക്കറ്റ് കൊടുത്ത് നമ്മൾ കാണുന്ന സിനിമകളിൽ നിരവധി കോടീശ്വന്മാരും കോടീശ്വരികളും ഉണ്ടെന്നത് വാസ്തവം. എല്ലാ അഭിനേതാക്കളും സമ്പന്നർ അല്ലെങ്കിലും ചിലർ ലക്ഷങ്ങളും കോടികളും വീശിയെറിയാൻ മടിക്കാത്തവരാണ് എന്ന് മനസിലാക്കാം

നമ്മുടെ നടിമാരായ ആലിയ ഭട്ടും പ്രിയങ്ക ചോപ്രയും എല്ലാം ടിക്കറ്റ് എടുത്തു പോകുന്ന ഒരു പരിപാടിയുണ്ട് അത്തരത്തിൽ. ഇതിൽ സെലിബ്രിറ്റിയായി പങ്കെടുക്കണമെങ്കിൽ, ആളൊന്നിന് 66.6 ലക്ഷം രൂപയാണ് ടിക്കറ്റ്. ഒരു ടേബിൾ തന്നെ ബുക്ക് ചെയ്യണമെങ്കിൽ, തുക വീണ്ടും ഉയരും. ആ പരിപാടിയെക്കുറിച്ച് മനസിലാക്കാം (തുടർന്ന് വായിക്കുക)

ന്യൂയോർക്ക് നഗരത്തിൽ സ്ഥിതി ചെയ്യുന്ന മെട്രോപൊളിറ്റൻ മ്യൂസിയം ഓഫ് ആർട്ട് എന്നയിടത്താണ് ഈ പരിപാടി അരങ്ങേറുക. ഇങ്ങനെ പറഞ്ഞാൽ ഒരുപക്ഷെ നിങ്ങൾക്ക് അറിയില്ലെങ്കിലും, മെറ്റ് എന്ന് കേട്ടാൽ എളുപ്പം മനസിലാകും. ഇന്നത്തെ ഫാഷൻ ലോകത്തിൽ മെറ്റ് ഗാലക്ക് അത്രയേറെ പ്രാധാന്യമുണ്ട്

മെറ്റ് മ്യൂസിയത്തിന്റെ കോസ്റ്റിയൂം ഇൻസ്റ്റിട്യൂട്ടിലേക്ക് ധനശേഖരണാർത്ഥമാണ് മെറ്റ് ഗാല വർഷാവർഷം നടത്തുക. വോഗ് എഡിറ്റർ ഇൻ ചീഫ് അന്നാ വിന്റർ അംഗീകരിക്കുന്ന അതിഥികളുടെ പട്ടികയിൽ ഇടം നേടിയവർക്ക് മാത്രമേ ഇതിൽ പങ്കെടുക്കാൻ അനുവാദമുള്ളൂ

ക്ഷണിക്കപ്പെട്ടാൽ മാത്രം പോരാ. ഇവിടേയ്ക്ക് പങ്കെടുക്കാൻ ടിക്കറ്റ് എടുക്കുകയും വേണം. 2023ൽ ഒരു ടിക്കറ്റിന് വില 50,000 ഡോളർ ആയിരുന്നുവെങ്കിൽ, 2024ൽ മെറ്റ് ഗാലയിൽ പങ്കെടുക്കാൻ 75,000 ഡോളർ അഥവാ 62,66,013.75 രൂപവേണം നൽകാൻ

ടേബിൾ ഒന്നിന് നിരക്ക് 3,50,000 ഡോളറാണ്. മൂന്നു കോടിയോളം രൂപയാണ് (2,92,41,397.50) ഈ ടേബിളിന്റെ വില. സാധാരണയായി ടേബിളുകൾ വാങ്ങുന്നത് ഡിസൈൻ ഹൗസുകളോ ബ്രാൻഡുകളോ കമ്പനികളോ ആണ്. അവർ ആരെയാണ് ടേബിളിലേക്ക് ക്ഷണിക്കാൻ ആഗ്രഹിക്കുന്നതെന്ന് തിരഞ്ഞെടുക്കുന്നു. ഇതിന് വിന്ററിൽ നിന്നുള്ള അനുമതിയും ആവശ്യമാണ്