ഉഴുന്നുവടയിലെ തുള വെറുതെ ഭംഗിക്കല്ല; പിന്നിൽ ശാസ്ത്രീയമായ ഒരു കാരണമുണ്ട്

ഇന്ത്യയിലുടനീളമുള്ള പ്രാതൽ വിഭവങ്ങളിൽ, മൊരിഞ്ഞതും സ്വർണ‌നിറത്തിലുള്ളതുമായ നമ്മുടെ സ്വന്തം ഉഴുന്നു വടയ്ക്ക് പകരം വെക്കാൻ മറ്റൊന്നില്ല. വഴിയോരത്തെ ചായക്കടകൾ മുതൽ തിരക്കേറിയ കാന്റീനുകളിലും ആഡംബര സൗത്ത് ഇന്ത്യൻ റെസ്റ്റോറന്റുകളിലും വരെ ഉഴുന്നുവട അതിന്റെ പ്രാദേശിക വേരുകൾ കടന്ന് ഒരു ദേശീയ ഭക്ഷണമായി മാറിക്കഴിഞ്ഞു. ചൂടുള്ള സാമ്പാറിലോ തേങ്ങ ചട്നിയിലോ മുക്കി വട കഴിക്കുമ്പോൾ സ്വാഭാവികമായും ഒരു ചോദ്യം ഉയരാം; എന്തുകൊണ്ടാണ് ഈ ജനപ്രിയ പലഹാരത്തിന് നടുവിൽ ഒരു ദ്വാരമുള്ളത്? (News18 Hindi)

കുതിർത്തരച്ച ഉഴുന്ന് ഉപയോഗിച്ച് പരമ്പരാഗതമായി നിർമിക്കുന്ന ഉഴുന്നുവട അതിന്റെ ഈ പ്രത്യേക ആകൃതി തലമുറകളായി നിലനിർത്തുന്നുണ്ട്. ഈ ആകൃതി വെറും ഭംഗിക്ക് വേണ്ടിയാണെന്ന് തോന്നാമെങ്കിലും, ഇതിന് പിന്നിൽ തികച്ചും പ്രായോഗികവും ശാസ്ത്രീയവുമായ ഒരു കാരണമുണ്ട്. (News18 Hindi)

ഉഴുന്നുപരിപ്പിന്റെ കട്ടിയുള്ള മാവ് കൈകൊണ്ട് ഉരുട്ടി നടുവിൽ ദ്വാരമിട്ട് തിളച്ച എണ്ണയിലേക്ക് ഇടുമ്പോൾ, ആ ദ്വാരം വടയുടെ ഉപരിതല വിസ്തീർണ്ണം  വർദ്ധിപ്പിക്കുന്നു. ഇത് വടയുടെ ഉൾഭാഗവും പുറംഭാഗവും ഒരുപോലെ വേകാൻ സഹായിക്കുന്നു. നടുവിൽ ദ്വാരമില്ലെങ്കിൽ, വടയുടെ പുറംഭാഗം വേഗത്തിൽ മൊരിയുമെങ്കിലും ഉൾഭാഗം ശരിയായി വേകാതെ ഇരിക്കാൻ സാധ്യതയുണ്ട്. (News18 Hindi)

ഈ ദ്വാരം വട അമിതമായി എണ്ണ കുടിക്കുന്നത് തടയുന്നുവെന്ന് പാചക വിദഗ്ധർ ചൂണ്ടിക്കാട്ടുന്നു. ദ്വാരത്തിലൂടെ എണ്ണ ചംക്രമണം ചെയ്യുന്നതിലൂടെ താപം വടയുടെ ഉൾഭാഗത്തേക്ക് വേഗത്തിൽ എത്തുകയും, പുറംഭാഗം മൊരിഞ്ഞതും ഉൾഭാഗം മൃദുവായതുമായ ആ പ്രത്യേക പരുവം ലഭിക്കുകയും ചെയ്യുന്നു. നടുവിൽ ദ്വാരമില്ലാത്ത വട വേകാൻ കൂടുതൽ സമയം എടുക്കുമെന്ന് മാത്രമല്ല, കൂടുതൽ എണ്ണ ആഗിരണം ചെയ്യുകയും ചെയ്യും. (News18 Hindi)

ചുരുക്കത്തിൽ, വടയുടെ നടുവിലെ ആ ദ്വാരം കേവലം ഒരു പാരമ്പര്യം മാത്രമല്ല, മികച്ചൊരു എഞ്ചിനീയറിംഗ് കൂടിയാണ്. മാവിന്റെ കൂടുതൽ ഭാഗം എണ്ണയുമായി സമ്പർക്കത്തിൽ വരുന്നത് വഴി വട ഒരേപോലെ വേകാനും ഭാരം കുറഞ്ഞതാകാനും സഹായിക്കുന്നു. തലമുറകളായി നാം ഇഷ്ടപ്പെടുന്ന ആ പൂർണ്ണരൂപം വടയ്ക്ക് ലഭിക്കുന്നതും ഇങ്ങനെയാണ്. (AI-Generated Image)