Actor Bala | ഡോക്ടർമാർ ഭയന്നു; ശസ്ത്രക്രിയക്ക് മുൻപ് ബാല വെന്റിലേറ്ററിലായി; ആ നാളുകളെ പറ്റി എലിസബത്ത്

നടൻ ബാലയുടെ (Actor Bala) കരൾമാറ്റിവെക്കൽ ശസ്ത്രക്രിയയും അതിനു ശേഷമുള്ള അത്ഭുതാവഹമായ തിരിച്ചു വരവും ഏറെ ശ്രദ്ധ നേടിയ വിഷയങ്ങളായിരുന്നു. അന്ന് ഭാര്യ എലിസബത്തും കുടുംബവും ബാലയുടെ ഒപ്പം ഉറച്ചു നിന്നു. ശസ്ത്രക്രിയ കഴിഞ്ഞതും, വളരെ വേഗം ബാല സുഖം പ്രാപിക്കുകയും, ആരോഗ്യം വീണ്ടെടുക്കുകയും, പൂർവസ്ഥിതിയിൽ ആവുകയും ചെയ്തു

പരിശോധിച്ച ഡോക്ടർക്ക് പോലും ബാലയുടെ അതിവേഗമുള്ള തിരിച്ചുവരവ് അത്ഭുതമായി മാറി. ജിമ്മിൽ പോവുകയും ശരീരം കൂടുതൽ ആരോഗ്യമുള്ളതാക്കി മാറ്റുകയും ചെയ്ത ബാല ഏവർക്കും പ്രചോദനം നൽകിയ വ്യക്തി കൂടിയാണ്. എന്നാൽ, ബാലയുടെ തിരിച്ചു വരവിനു പിന്നിൽ ആരും അറിയാത്ത ചില വെല്ലുവിളികൾ കൂടിയുണ്ടായിരുന്നു. അക്കാര്യം ഭാര്യ എലിസബത്ത് ഉദയൻ വെളിപ്പെടുത്തുന്നു (തുടർന്ന് വായിക്കുക)

ഡോക്‌ടേഴ്‌സ് ദിനത്തോടനുബന്ധിച്ച് ചെയ്ത വീഡിയോയിലാണ് ബാല നേരിട്ട, എന്നാൽ പുറം ലോകം അറിയാത്ത വെല്ലുവിളികളെ കുറിച്ച് എലിസബത്ത് വാചാലയായത്. ഒരുവേള ഡോക്‌ടർമാർ പോലും ഭയന്നിരുന്നു. മരണം മുഖാമുഖം കണ്ട സാഹചര്യം പോലും ബാലയ്ക്കും കുടുംബത്തിനും ഉണ്ടായി

ശസ്ത്രക്രിയ നടക്കാൻ മൂന്നു ദിവസം മാത്രമേ അന്ന് ബാക്കിയുണ്ടായിരുന്നുള്ളൂ. പെട്ടെന്ന് ബാലയുടെ ആരോഗ്യം പണ്ടത്തേക്കാളും മോശമായി. അതിനും കുറച്ചു ദിവസങ്ങൾക്ക് മുൻപാണ് ബാലയെ ആശുപത്രിയിൽ പ്രവേശിപ്പിച്ച വിവരം വാർത്താ മാധ്യമങ്ങളിലൂടെ പൊതുജനം അറിഞ്ഞത്

ഒന്നും ചിന്തിക്കാനോ, എന്ത് ചെയ്യണമെന്നോ അറിയാത്ത അവസ്ഥയുണ്ടായി. അമൃതാ ആശുപത്രിയിലെ ഡോക്‌ടർമാർ എമർജൻസി സാഹചര്യത്തിൽ കൂടെ നിന്നു. ബാല ഐ.സി.യുവിൽ വെന്റിലേറ്ററിലായി

ബാലയെ കാണാൻ ഐ.സി.യുവിൽ കയറിയതും ഒരു കൺസൽട്ടൻറ് വീട്ടിൽ വിളിച്ച് ഇന്ന് വരുന്നില്ല, സീരിയസ് കണ്ടീഷൻ ആണ് എന്ന് പറയുന്നത് എലിസബത്ത് കേട്ടു. പ്രധാന ഡോക്‌ടർമാർ ആരുംതന്നെ അന്ന് വീട്ടിൽ പോയിട്ടില്ല എന്ന് എലിസബത്ത് ഓർക്കുന്നു

ആശുപത്രിയിലെ ഐ.സിയുവിൽ എപ്പോഴും ബന്ധുക്കൾക്ക് കേറാൻ കഴിയാത്തതിനാൽ അന്ന് ഡ്യൂട്ടിയിൽ ഉണ്ടായിരുന്ന നേഴ്സ് ബാലയുടെ പുരോഗതി എലിസബത്തിനെ അറിയിച്ചു കൊണ്ടിരുന്നു. ശേഷം റിവ്യൂവിന് പോയപ്പോൾ ആ പെൺകുട്ടി ഓടിവന്നതായി എലിസബത്ത് ഓർക്കുന്നു

ഈശ്വരന്മാരെ പോലെ ഡോക്ടർമാരെ കൈകൂപ്പി തൊഴുത കാലമായിരുന്നു അതെന്നു എലിസബത്ത് ഓർക്കുന്നു. താനും എം.ബി.ബി.എസ്. പഠിക്കാൻ കാരണം ഡോക്ടർ ആയ മൂത്ത സഹോദരന് ചികിത്സയുടെ ഭാഗമായി ലഭിക്കുന്ന ബഹുമാനവും ആദരവുമാണ് എന്നും ഡോക്ടർ എലിസബത്ത്