Covid 19 | സംസ്ഥാനത്തെ മന്ത്രിയുടെ പി.എയ്ക്ക് കോവിഡ് സ്ഥിരീകരിച്ചു

തിരുവനന്തപുരം: സംസ്ഥാന മന്ത്രിസഭയിലെ അംഗത്തിന്‍റെ പേഴ്സണൽ സ്റ്റാഫിൽപെട്ടയാൾക്ക് കോവിഡ് സ്ഥിരീകരിച്ചു. ദേവസ്വം സഹകരണവകുപ്പ് മന്ത്രി കടകംപ്പള്ളി സുരേന്ദ്രൻറ പേഴ്സണൽ സ്റ്റാഫ് അംഗത്തിനാണ് കോവിഡ് സ്ഥിരീകരിച്ചത്.

കാസർഗോഡ് അജാനൂര്‍ പഞ്ചായത്ത് സ്വദേശിയായ പി.എ കോവിഡ് വ്യാപനത്തെ തുടര്‍ന്ന് കാരണത്താല്‍ തിരുവനന്തപുരത്തേക്ക് പോയിട്ടില്ല.

പരിയാരം മെഡിക്കല്‍ കോളജില്‍ ചികിത്സയില്‍ കഴിഞ്ഞുവരുന്ന ബന്ധുവിന് കോവിഡ് പോസിറ്റീവായതോടെയാണ് മന്ത്രിയുടെ പി.എയ്ക്ക് കോവിഡ് പരിശോധന നടത്തിയത്.

ചികിത്സയിൽ കഴിയുന്നയാളെ ബന്ധുവെന്ന നിലയില്‍ പി.എ പലതവണ ബന്ധപ്പെട്ടിരുന്നു. ആന്‍റിജന്‍ പരിശോധനയിലാണ് മന്ത്രിയുടെ പി.എയ്ക്ക് കോവിഡ് സ്ഥിരീകരിച്ചത്.

മന്ത്രിയുടെ പി.എയ്ക്ക് രോഗം സ്ഥിരീകരിച്ചതോടെ ഇയാളുടെ ബന്ധുക്കളും സുഹൃത്തുക്കളും നിരീക്ഷണത്തിലായിട്ടുണ്ട്.