Covid19| കോഴിക്കോട് അഞ്ച് മാസം പ്രായമുള്ള കുഞ്ഞ് കോവിഡ‍് ബാധിച്ച് മരിച്ചു

കോഴിക്കോട് : മെഡിക്കല്‍ കോളജില്‍ നവജാത ശിശു കോവിഡ് ബാധിച്ച് മരിച്ചു. ചാലിയം സ്വദേശി മുഹമ്മദ് ഷെരീഫിന്‍റെ മകന്‍ മുഹമ്മദ് റെസിയാല്‍ ആണ് മരിച്ചത്. ആന്‍റിജന്‍ ടെസ്റ്റില്‍ കോവിഡ് സ്ഥിരീകരിച്ചു.

പനിയെ തുടര്‍ന്ന് ഇന്ന് രാവിലെയാണ് കുഞ്ഞിനെ ആശുപത്രിയില്‍ പ്രവേശിപ്പിച്ചത്. അഞ്ച് മാസം പ്രായമുള്ള കുഞ്ഞാണ് മരിച്ചത്.

രാവിലെ 6.05 ന് കുഞ്ഞിനെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. 6.15ന് കുഞ്ഞ് മരിച്ചു.

കടുത്ത പനിയെത്തുടർന്നാണ് ആശുപത്രിയില്‍ പ്രവേശിപ്പിച്ച് പത്തുമിനിറ്റിനകം തന്നെ കുഞ്ഞ് മരിച്ചത്.

അതിന് ശേഷം നടത്തിയ ആന്‍റിജന്‍ പരിശോധനയിലാണ് കുഞ്ഞിന് കോവിഡ് 19 സ്ഥിരീകരിച്ചത്. ആർ ടി പിസിആര്‍ ടെസ്റ്റുകൂടി നടത്തുമെന്ന് ആരോഗ്യ വകുപ്പധികൃതർ അറിയിച്ചു.

കുഞ്ഞിന് കൊവിഡ് വന്നതിൻ്റെ ഉറവിടം വ്യക്തമല്ല. കടുത്ത പനിയില്ലായിരുന്നു. എങ്കിലും ശരീരോഷ്മാവ് വർധിച്ചിരുന്നതായി മെഡിക്കൽ കോളജ് അധികൃതർ വ്യക്തമാക്കി.

കൊവിഡ് പ്രോട്ടോകോൾ അനുസരിച്ച് ശവസംസ്കാര ചടങ്ങുകൾ നടക്കും. കുഞ്ഞുമായി സമ്പർകമുണ്ടായവരോട് ക്വാറൻറീനിൽ പ്രവേശിക്കാൻ ആരോഗ്യ വകുപ്പ് നിർദേശിച്ചു.