21 വയസുള്ള അവിവാഹിത ഗർഭിണിയായി; കുഞ്ഞിന്റെ അച്ഛൻ ആരെന്നു പറയാത്തതിന് അമ്മയും സഹോദരനും ചേർന്ന് യുവതിയെ തീകൊളുത്തി

അവിവാഹിതയായ മകൾ ഗർഭിണിയാണെന്നറിഞ്ഞ വീട്ടുകാർ 21കാരിയെ തീകൊളുത്തി (Unwed pregnant woman set ablaze). അമ്മയും സഹോദരനും ചേർന്ന് തീകൊളുത്തിയതിനെ തുടർന്ന് 21കാരിയായ ഗർഭിണിക്ക് ഗുരുതരമായി പൊള്ളലേറ്റു. മകൾ ഗർഭിണിയാണെന്നറിഞ്ഞതോടെ യുവതിയുടെ വീട്ടുകാർ പ്രകോപിതരാവുകയായിരുന്നു

എൻഡിടിവി റിപ്പോർട്ട് അനുസരിച്ച്, കുട്ടിയുടെ പിതാവ് ആരാണെന്ന് ചോദിച്ചപ്പോൾ, യുവതി അവരോട് വിശദാംശങ്ങളൊന്നും വെളിപ്പെടുത്തിയില്ല. ഇതേത്തുടർന്ന് അമ്മയും സഹോദരനും ചേർന്ന് കാട്ടിലേക്ക് കൊണ്ടുപോയി തീകൊളുത്തുകയായിരുന്നു (തുടർന്ന് വായിക്കുക)

ഉത്തർപ്രദേശിലെ ഹാപൂരിലാണ് സംഭവം. വനത്തിലൂടെ കടന്നുപോയ ചില കർഷകരാണ് യുവതിയെ കണ്ടത്. തുടർന്ന് യുവതിയെ ആശുപത്രിയിൽ എത്തിച്ചതായി പോലീസ് പറഞ്ഞു. ഡോക്ടർമാർ പൊള്ളലേറ്റ യുവതിയെ മീററ്റിലെ സർക്കാർ ആശുപത്രിയിലേക്ക് റഫർ ചെയ്തു

അമ്മയെയും സഹോദരനെയും കസ്റ്റഡിയിലെടുത്തതായാണ് റിപ്പോർട്ട്. ഇവരെ പോലീസ് ചോദ്യം ചെയ്തു വരികയാണെന്ന് ഉദ്യോഗസ്ഥർ പറഞ്ഞു. 21 കാരിയായ യുവതി ഗുരുതരാവസ്ഥയിൽ മീററ്റ് ആശുപത്രിയിൽ ചികിത്സയിലാണ്

മറ്റൊരു സംഭവത്തിൽ, ഉത്തർപ്രദേശിലെ മുസാഫർനഗറിലെ ഒരു ഗ്രാമത്തിൽ സ്ത്രീധനത്തിന്റെ പേരിൽ 24 കാരിയായ യുവതിയെ ഭർതൃവീട്ടുകാർ വിഷം കൊടുത്തു കൊന്ന സംഭവം റിപ്പോർട്ട് ചെയ്യപ്പെട്ടിരുന്നു