വിവാഹാഭ്യർഥന നിരസിച്ചതിന് നിർമാതാവ് കുത്തിവീഴ്ത്തിയ അനുഭവം വിവരിച്ച് പ്രശസ്ത നടി

വിവാഹാഭ്യര്‍ഥന നിരസിച്ചതിന്റെ പേരില്‍ സീരിയല്‍ നടി മാല്‍വി മല്‍ഹോത്രയ്ക്കു നേരെ കഴിഞ്ഞ ദിവസമാണ് ആക്രമണം ഉണ്ടായത്. താരത്തിന്റെ സുഹൃത്തും നിര്‍മാതാവുമായ യോഗേഷ് മഹിപാല്‍ സിംഗാണ് താരത്തെ കുത്തിക്കൊല്ലാന്‍ ശ്രമിച്ചത്.

വയറിനും കൈകൾക്കും കുത്തേറ്റ നടിയെ മുംബൈയിലെ കോകിലാബെൻ ധീരുംബായ് അംബാനി ആശുപത്രിയിൽ ചികിത്സയിലാണ്. അക്രമം നേരിട്ട ദിവസം സംഭവിച്ച കാര്യങ്ങൾ വിവരിക്കുകയായാണ് നടി മാല്‍വി മല്‍ഹോത്ര

അന്ധേരിയിലെ കോഫിഷോപ്പില്‍ നിന്ന് വീട്ടിലേക്ക് വരുന്നവഴി യോഗേഷ് വാഹനം വട്ടംവെച്ച് തടഞ്ഞു നിര്‍ത്തിയത്. തമാശ നിര്‍ത്താന്‍ പറഞ്ഞപ്പോള്‍ കാറില്‍ നിന്ന് ഇറങ്ങി വയറ്റില്‍ കുത്തി.

തന്റെ മുഖത്ത് കുത്തി പരുക്കേല്‍പ്പിക്കാനാണ് അയാള്‍ ശ്രമിച്ചതെന്നും എന്നാല്‍ കൈകൊണ്ട് തടഞ്ഞു. വലതുകൈ കത്തി കൊണ്ട് പരുക്കേറ്റു. പരുക്കിനെ തുടര്‍ന്ന് പ്ലാസ്റ്റിക് സര്‍ജറി ചെയ്യേണ്ടതായി വന്നുവെന്നും താരം കൂട്ടിച്ചേര്‍ത്തു.

എന്റെ ഇടതു കയ്യിന്റെ വിരലുകള്‍ക്കും കുത്തേറ്റു. ഞാന്‍ താഴേക്ക് വീണുപോയി. രക്തം ഒഴുകാന്‍ തുടങ്ങി. ഇപ്പോള്‍ ഇടതുകയ്യിലെ വിരലുകള്‍ അനങ്ങുന്നില്ലെന്നും വയറ്റില്‍ 1.5 ഇഞ്ച് താഴ്ചയില്‍ പരുക്കേറ്റിട്ടുണ്ടെന്നുമാണ് താരം പറഞ്ഞു.