അതിരു കെട്ടാൻ മണ്ണെടുത്തു; മണ്ണിനടിയിൽ നിന്ന് കിട്ടിയത് പൈപ്പ് ബോംബ്

തലശ്ശേരിയിൽ ജെസിബി മണ്ണെടുക്കുമ്പോൾ കിട്ടിയത് പൈപ്പ് ബോംബ്.

കടവത്തൂർ മുണ്ടത്തോട് കൊല്ലംമുക്കിലെ സ്വകാര്യ വ്യക്തിയുടെ ഉടമസ്ഥതയിലുള്ള സ്ഥലത്താണ് ബോംബ് കണ്ടെത്തിയത്.

തലശേരിയിൽ നിന്നും നാദാപുരത്തേക്കുള്ള വഴിയിൽ 16 കിലോമീറ്റർ അകലെയാണ് സ്ഥലം

സ്ഥലത്ത് അതിരു കെട്ടാൻ ജെസിബി ഉപയോഗിച്ച് മണ്ണെടുക്കുന്ന സമയത്താണ് സംശയകരമായ വസ്തു ശ്രദ്ധയിൽപെട്ടത്.

തുടർന്ന് നടത്തിയ പരിശോധനയിലാണ് പൈപ്പ് ബോംബാണെന്ന് സ്ഥിരീകരിച്ചത്.

ബോംബ് സ്ക്വാഡ് എസ് ഐ, ടി വി ശശിധരന്റെ നേതൃത്വത്തിലുള്ള സംഘമാണ് പരിശോധക്ക് ശേഷം നിർവീര്യമാക്കിയത്.

ഫ്യൂസ‌് വയർ സംവിധാനത്തോട‌് കൂടിയുള്ളതായിരുന്നു പൈപ്പ് ബോംബ‌്.

കൊളവല്ലൂർ എസ‌് ഐ യുടെ നേതൃത്വത്തിലുള്ള സംഘം പ്രദേശത്ത് പരിശോധന നടത്തി.